DAY 7今日要回港啦,因為我地座比較晚的機回港,所以都仲有大半日時間留係福岡SHOPPING喔~~早上:大分溫泉旅館早餐我地一朝早就起食早餐啦,我記得當日時間係早上7:45分,痴線架,真係未試過眼都未開就食早餐!XDD不過當然要留影下我地間房出面D靚景先啦~~一打露台,哇..........好清新,超舒服,好鐘意呢D風景FEEL點擊圖片放大 +2 好,然後落樓食早餐喔,我地又去了另外一間房食,唔同晚餐果間房架!!好吧!員工已經準備緊我地既早餐啦,佢地之後唔會走開架,只會座到好遠,全程去招呼我地!哈......其實真係有D唔多慣咁樣比人服待 登登!!早餐完成了!!我真係好唔慣一大朝早就食飯,但對佢地3個男人黎講就濕濕碎啦! 哈,這個才是完正版早餐XDD,點擊圖片放大 +2 因為我仲咪訓醒,所以對錯焦是正常的XD~~ 這個是紫菜,是用來整碎後灑係白飯上面食架!連個包裝都靚過人.....靚到我有點唔捨得開黎食囉XDD 哈,其實隻熟蛋係我要求煮既,因為我真係食唔慣將生雞蛋撈係白飯上面食!所以我又要麻煩人地幫我將隻蛋煎熟佢,大家睇唔睇到啊,煎到隻蛋邊幾靚! 上房執好晒D行李,CHECK OUT好後,大家都仲未捨得走,因為要係大堂買手信!係啊,無錯!呢間旅館係有得買手信架!! 因為旅館係可以比寵物入住的關系,所以會有狗餅買ga!我地當然都幫襯買左一袋啦,仲使講XDDD! 嘻,同老闆娘合照下先!XDDD 哈,我地走時,貓貓又跟埋出去,可能老闆娘知道我地想同隻貓影相,特登抱起隻貓比我地影!而後面果位就係男主人啦!! XDDD.....HAHAHA,貓貓個樣好明顯地係唔鐘意影相囉,好想快D走XDDD!好啦!大分縣我地後會有期啦!!!因為要渣返1個半小時車去返福岡最後血拼啦! 好喇,下面我地已經渣返去福岡了,去我地SHOPPING的第一站,買波鞋!而間波鞋舖係朋友仔特登上網找的,佢話呢間鋪買既波鞋款係最多最齊!老公係度買左對NIKE,到而家目前為止暫時香港係無得買既,開心到佢啊~~ 第二站:博多運河城CANAL CITY shopping其實我地選擇去呢度都只係HEA時間架咋,貪佢夠晒大,又多野行,行到差不多夠鐘就閃人!點擊圖片放大 +2 嘻,比我發現了姆明雜貨店同飲品專賣店 雜物店旁的就是飲品專賣店啦!!! 乖乖比錢先 哈,其實我智在想要支飲筒XDD,真係好打耳嘛XDDDD 行返出去時見到的,姨,呢D咪第一晚去屋台拉麵時見到的車仔,原來朝早會放係度既!! 跟住唔知點樣行行下,去左另一邊地下,全都是餐廳來的,諗住醫埋個肚就去機場啦!! 因為時間唔多,所以我地只係憑直覺搵間餐廳開飯,無得再選擇了!哈,我的海膽飯!! 好啦,食飽飯,去停車場搵返我地架車先!咁岩比我見到係福島來的車喔@@~~~ 去機場還車時,我地要先做2樣野!1:先去搵油站入返滿D油先!2:去郵局寄返張ETC卡佢地係油站搞左好鬼耐,原來諗住用曬D神沙去入油=.= 哈,咁岩得咁好彩,油站旁就有間郵局,GOOD,順便寄埋張ETC卡先 拿,我手上綠色果張就係ETC卡,就係用黎上高速時用的,只要第一日取車時,插張卡去部車就可以了,然後完全唔使再理會,因為張卡會記錄曬D高速資料,到租車公司收到張卡時,就會從信用卡上收取費用,不過張卡大家可以選擇租OR唔租既!另外,大家可以放心,咁究竟點樣寄返張卡架呢?係我第2日去機場郵局取卡時,包裹裡面已經有埋回郵地址信封同已包埋郵費的了,又即是我手上果封野裡面,會有一封全新的包裹,只要好簡單地放張卡去裡面比郵局D人搞就可以啦!所以千萬唔好唔見個信封啊! 唔使1分鐘已經寄左張ETC卡了!然後做的動作就係等............ 我地已經渣返架車去機場還車了,即係箭嘴藍色牌果樹!我細心D睇下架車,哇..........好多戰績,人地有排洗車了!! 跟住我地先發現,原來機場候機室係有咁多手信買架,仲要係免稅,喇.........又私人醒大家啦!所以我地又瘋狂咁買買買買!XDDDD可樂又買,買黎儲既,因為得100ML超迷你版,好打耳啊.............. 我同老公都覺得,買得實在太小了,真係白痴左,竟然唔帶2個o急去,所以我地鐵定下年去一定會帶2個去掃餐飽,今次掃得實在唔多夠候,下次我要買到連個窗台都係放滿野XDD~