是日農曆七月十四,晴 今日心血來潮好想飲單品咖啡,剛好搭小巴經過Filter Lane,見到櫥窗有平安包塔即被它吸引,好想試一下East meet west 嘅口味。 走進店內,我好奇地問店員到底平安包是否店家自製?原來這個平安包是100%made in Cheung Chau ! 郭錦記餅店出品!即係大家太平清礁搶住買嘅大包。 郭錦記為了這次聯乘活動,特地為Filter Lane製作比較小巧的一籠三件裝,有芝麻、紅豆同蓮容味,比原裝版感覺皮薄多餡。於限定供應期間,從長洲郭錦記即日送貨到店面。除左細版平安包,還有大版平安包、郭錦記嘅綠豆餅,另外還有店家自製芝麻卷、馬蹄榚、椰汁班蘭榚等等,還以為自己去了時代廣場附近登龍街的榚點店(^o^) 店員推介以單品咖啡配平安包,我選了今天剛好貨的曼特寧咖啡(之前好幾次都缺貨,今天可以嘗到真好!),等了一會兒,新鮮出「籠」平安包跟咖啡都到了。平安包的味道跟在長洲排隊買一樣新鮮好味,而且唔需要大熱天下去長洲排隊買,舒舒服服食平安包的確係好好的中西合璧主意。 聽講呢個限定組合只係週末先有,好似會嚟緊一兩個週末仍會有,郭錦記為店家製作了迷你包山,店員還主動提議我跟包山拍照留念~ 就算沒有限定平安包,這裡的單品咖啡很值得一試~ Filter Lane :半山堅道111號地下