【自費文】 行銅鑼灣經過成日見到,group友又極度推介就第一次去食麻辣派對la~~~ 題外話:等lift都等咗幾耐先上到去 Venus好鐘意食麻辣,但係唔鐘意食帶騷味麻辣,即係海底撈果種麻辣,有牛油底都係騷騷地,好怕騷味,所以每次試新舖麻辣都係搏大細咁>< 我相信都會有人同Venus一樣怕麻辣底有陣騷味,好在今次試依間麻辣派對就唔係騷味麻辣la! 麻辣派對主打川菜,晚市有一爐爐水煮系列(本menu幾靚^^) 一坐低就有前菜食 非常肚餓關係即刻落Order,叫咗個豆花小麵 Venus食完第一啖就大呼好在唔係我唔鐘意果種麻辣,前程提要的騷味麻辣。之後就要讚一讚個麵,味道有d似細個爸爸帶我地一家大細返大陸食果d人手拉麵味,好有口感,本身麵已經好有味道,加埋麻辣好夾,我先試試小麻辣,比想像中辣,嘴唇都麻咗,豆花滑滑的夾麵一齊食好有層次感。我覺得自己食到中辣,下次試試^^ 泡椒家常雞 依碟真係唔小嘢,用咗幾款辣椒炒成,用個醬撈飯食超惹味!辣中帶酸味味,不過叫小辣都好辣下,店員一早已經溫馨提示依個餸比其他辣,好在叫小辣,唔係真係食唔到,勇士可以挑戰一下 小插曲: D椒切得非常似去皮青瓜關係,第一啖咬完即刻吐出嚟......又酸又辣,影相有色差...實物睇連醬汁真係fake哂... 唔知係咪知客人食辣要飲大杯d飲品,比平時餐廳d杯係大杯d 如果唔係真係要叫2杯先得 套餐唔使加錢有燉湯飲!!! 一日唔飲湯唔安樂Venus真係好開心!成盅上五指毛桃燉雞湯真係超好味,某程度上我再食係會為咗碗湯而去! 套餐仲會送甜品,細細杯紅糖桂花冰粉 清甜桂花香味,凍凍地中和一下辣味,好滿足咁食完一餐 粉麵套餐$35起(雖加一),有前菜、燉湯或飲品、甜品真係好抵食,下次再試試其他再報告一下 麻辣派對: 地址: 銅鑼灣記利佐治街1號金百利廣場4樓R1號舖 電話號碼: 21784898 ~~~~~~~~~~~~~~~~~~~~~~~~~~~~~~~~~~~~~~~ 免責聲明: 是次產品/產品資料由 品牌 提供, 本文章所發表的全部內容均屬個人意見及感受,並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。 希望大家鐘意今次我嘅分享la~ 多謝收看 歡迎合作: 邀稿 合作試用 出席活動 食品/食評 穿搭 Email: pomeranian.chichimo@gmail.com Facebook: http://www.facebook.com/VenusLazyDiary YouTube: http://www.youtube.com/c/LazyDiary Instagram: https://www.instagram.com/_lazydiary_/ Blog: Beautyexchange: http://www.beautyexchange.com.hk/blog/VenusPang Beautylife: http://www.beautylife.hk/?fromuser=VenusPang U Blog: https://blog.ulifestyle.com.hk/blogger/venuspang/ Blogspot: http://venuslazydiary.blogspot.hk/ She Blog: http://blog.she.com/venuspang/ ESDlife: http://wow.esdlife.com/VenusPang