第一次寫產品比較,近半年頭髮甩得多o左,頭髮都乾旱暗啞,即刻轉哂屋企頭部產品搞搞佢,上網search同聽朋友講情況下試o左幾款髮尾油係到分享一下^^ 比大家睇下我把旱髮先 經歷多年漂染,又直又曲,平日造型情況下越嚟越旱 Venus簡單講一下使用心得同優缺點仲有使用的Before & After相 P.S.每款產品皆使用超過一星期以上,每晚洗頭後使用 1)Nuxe全效護理油 優點:一支全身可用,質地比較水潤易推,怕油sis可以買支細支裝當入門版試用,味道係比較濃的花香味,可以接受 缺點:可能皮膚都可以用的關係,Nuxe e支護理油明顯唔夠其他髮尾油顯得頭髮光澤同有彈性,感覺似護膚品多d 2)Furterer 免沖水深層修護素 P.S.其實e支唔係油狀質地,唔屬於髮尾油,不過e個牌子都多人推介,咁岩買雜誌送支試用裝所以分享一下 優點:cream狀質地不黏立,唔鐘意油sis可以試下,滋潤度不俗,朝早起身頭髮易打理o左,頭髮摸落順滑 缺點:香味較重,另外頭髮只有滋潤沒有光澤,喜歡頭髮閃令令效果sis不建議選擇 3)Moroccanoil 摩洛哥髮尾油 P.S. Venus已經用哂韓國版果款好相似ge髮尾油,我係用韓版果支先,Venus覺得效果都相差大,Moroccanoil效果比韓版果支明顯,髮質有改善,但味道方面韓版就香好多^^,我自己好鐘意韓版果款味道。上網睇過2支比較同評價下都各有Fans,不過韓版果支有些少爭議性,有興趣sis可以上網search下。 優點:用o左e款髮尾油吹頭頭髮快乾o左好多,尤其對付頭髮毛燥開叉效果明顯,第二朝起身頭髮都好順滑光澤,Venus第二最愛,值得購買! 缺點:缺點暫時真係搵唔到,唯一我覺得第一次用味道比想像中有出入,有少少難聞,但之後都接受到。 4)Macadamia Natural Oil 優點:最滋潤之選,鐵絲頭髮即刻變得有光澤,我覺得e支係適合超級受損髮質,即係頭髮漂到已經暗啞,望落完全無光澤類型頭髮適用 缺點:一般受損髮質應該唔太鐘意,相比起其他幾款質地偏厚,可能會覺得油立d,味道方面我評為最差><好似古龍水味。。 5)The Body Shop 葡萄籽光澤精華素 優點:同事推介購買,佢話已經用o左好多支,我會推介從未用過髮尾油怕立sis試用,精華質地介乎油同水之間,比起cream狀質地多一份光澤感,味道清新舒服,就算唔係受損秀髮日常保養髮尾都係個好選擇 缺點:我覺得適合平日保養/輕度受損髮質使用,對比起油狀產品第二朝起身效果已經唔多見,如果想長遠改善髮質e支產品未必可以做到 6)Syoss 滋養修護精華油 優點:用完頭髮最閃令令,質地輕盈,花香味道,雖然係油狀質地但不太黏立,怕油膩感sis應該都可以接受 缺點:可能質地比較輕盈,相對滋潤度方面輕微不足,感覺適合吹頭/造型前使用,若果想改善較嚴重髮質問題比較困難 7)Kerastase 極緻全效修護精華油 優點:質地不黏立,用完即時睇到頭髮充滿光澤,第二朝起身頭髮keep住順滑滋潤,造型前後使用令頭髮望落有彈性,Venus已經用到第二支,十分推薦使用,Keep住用一段時間會睇到頭髮明顯改善 缺點:暫時都未搵到缺點,因為真係好好用,私心推介,我諗唯一缺點係價錢比較貴,市面上好多唔同價格髮尾油選擇,佢e支相比起價錢真係一個缺點 Venus心得: 以上咁多支髮尾油產品我最推介係Kerastase果支, 已經回購第二支,暫時未搵到第二支取代住,如果第日搵到支會分享一下^^ 希望今次分享比到大家一個參考,嚟緊會開Facebook同IG分享一下扮靚,戰利品同敗家等,我會比心機keep住update ga,有興趣大家支持一下 以上全屬自購產品,無廣告成分,產品效果因人而異, Like我Facebook同Instagram有更多扮靚靚分享 快d去睇下la~~~~ 希望大家鐘意今次我嘅分享la~ 多謝收看 歡迎合作: 邀稿 合作試用 出席活動 食品/食評 穿搭 Email: pomeranian.chichimo@gmail.com Facebook: http://www.facebook.com/VenusLazyDiary YouTube: http://www.youtube.com/c/LazyDiary Instagram: https://www.instagram.com/_lazydiary_/ Blog: Beautyexchange: http://www.beautyexchange.com.hk/blog/VenusPang Beautylife: http://www.beautylife.hk/mobile/home.php?mod=space&uid=191562 U Blog: https://blog.ulifestyle.com.hk/blogger/venuspang/ Blogger: http://venuslazydiary.blogspot.hk/ She.com: http://blog.she.com/venuspang/