第一次聽到傷心酸辣粉依個名仲以為老闆係咪失戀時食粉所以改依個名,平時睇太多劇la,原來係酸到流口水,辣到流眼淚。食辣真係好「感動」,因為真係會辣到流眼淚㗎! 依家嚟傷心酸辣粉唔單止食酸辣粉,仲有雞煲食,BB辣至大辣都有得揀(唔辣都得) 食雞煲前一定要試下皇牌小食 好多人都鐘意食嘅蒜泥白肉係依到皇牌,啖啖都勁香蒜香味,白肉肉質分佈平均唔會太膩,必試~ 另一皇牌紅油蒜茸青瓜,平時去舖頭有青瓜必食嘅Venus,可以話試盡唔同店舖青瓜,傷心酸辣粉依款紅油青瓜比較辣,鐘意食辣朋友仔一定收貨,但係食辣麻麻地朋友仔就要試唔辣,因為都真係幾辣 唔辣都有另一選擇,可以揀香油海蜇,香麻油味浸泡爽口海蜇另附有青瓜絲,清新之選 傷心酸辣粉有多款炸物小食,識食一定食皇牌,依碟香酥軟骨炸粉唔會太厚,撒上黑胡椒好惹味 Venus叫咗個2人套餐,可以任選4款火鍋配料~ 最鐘意用Gas爐食雞煲覺得比起電子爐更加有火候 主角重慶麻辣雞煲,廚師精選2斤重龍崗雞,套餐$188有半隻雞,2夠人食夠哂數 配料一d都唔吝嗇,超多份量,Venus覺得3個人食都得 食到中段就到薯粉出場,每條薯粉都吸收哂麻辣湯底,食落口第一啖係辣,之後口會慢慢變麻痺,鐘意食麻辣嘅人就係鐘意追求依種快感,另外傷心酸辣粉薯粉好粗身(唔係有d舖頭幼幼弱弱薯粉),可以細嚼煙韌口感 嫩滑龍崗雞加上超多份量配料已經值回票價,加上正宗重慶麻辣湯底辣到標汗,嗜辣者真係要挑戰一下!Venus最後係要飲2杯椰汁先食完食個雞煲,建議由小辣試起,因為真係好辣! 傷心酸辣粉官方網站: Website: http://www.sourspicynoodle.com/ Facebook: https://www.facebook.com/sourandspicynoodle/ ~~~~~~~~~~~~~~~~~~~~~~~~~~~~~~~~~~~~~~~ 免責聲明: 是次產品/產品資料由 品牌 提供, 本文章所發表的全部內容均屬個人意見及感受,並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。 希望大家鐘意今次我嘅分享la~ 多謝收看 歡迎合作: 邀稿 合作試用 出席活動 食品/食評 穿搭 Email: pomeranian.chichimo@gmail.com Facebook: http://www.facebook.com/VenusLazyDiary YouTube: http://www.youtube.com/c/LazyDiary Instagram: https://www.instagram.com/_lazydiary_/ Blog: Beautyexchange: http://www.beautyexchange.com.hk/blog/VenusPang Beautylife: http://www.beautylife.hk/?fromuser=VenusPang U Blog: https://blog.ulifestyle.com.hk/blogger/venuspang/ Blogspot: http://venuslazydiary.blogspot.hk/ She Blog: http://blog.she.com/venuspang/ ESDlife: http://wow.esdlife.com/VenusPang