自從開左任你點之後 返工放工成日都心思思掛住佢 價錢實惠 地方又乾淨坐得舒服 今日收工又黎 我呢 就叫左鮑汁炆花膠 手打墨魚餅 紅燒豬水同埋豬大腸 首先 花膠係足料 食落唔算好厚 但彈性同骨膠原 呢個價錢 好抵 而且佢用左飽汁去炆 所以食落仲有陣陣乾貨海鮮香味 正 豬手炆得軟稔 而且又係軟軟滑滑 食完都覺得自己皮膚滑左 墨魚餅爽口彈牙 而且炸過外脆內軟 好好食呀 最後喇 豬大腸煮得入味 惹味可口 而且處理得好好 正 另外不得不提係佢個湯底 酸辣好惹味嫁 講真就算無餸 呢個酸辣湯配淨河我都可以就咁食一碗呀 朋友就叫左秘制豬頸肉 花膠 大腸同韮菜 個豬頸肉都好好食 肥而不滯 配埋個麻辣湯正呀 仲有小食喇 一個蛋白魚腐 熱辣辣 最啱幾個人share 佢個魚腐做得好好味 好軟滑好軟滑好軟滑 放入酸辣麻辣簡直一流 另一個小食就係咖喱魷魚 爽口彈牙 而且涼浸浸咁 配上個惹味咖喱汁 係香港風情呀