作為來生想要做日本人gei 肥妹 最鐘意就係去四圍食好味gei 日本菜 睇下呢幅壁畫係咪有好日本風味呢 其實餐廳內有幾幅 全部都係人手畫上去 好靚嫁 呢個係一個類似private room 咁 坐到好多個人 感覺私人度好高 一班朋友屋企人定傾生意都啱晒 每張枱都會有個爐 用黎做爐端燒gei 甲羅燒 - 呢個甲羅燒入面加左好多蟹肉 所以食落好鮮甜 而且無平時食到gei 腥味 好好食呀 漁道樂軍艦 - 佢用左超薄青瓜片代替紫菜 首先就係完全唔會淋晒啦 一直都保持爽脆 第二就係青瓜清爽gei味道更能帶出鮮味 令件壽司感覺煥然一新 牡蠣和牛 - 唔好以為佢係一件和牛壽司 人如其名gei 佢係用左蠔做底 再放和牛上去 濃郁嫩滑gei 牛肉 配上鮮甜肥美gei 蠔 可以話係互相輝映 呢個係北海道真蠔 鮮甜美肥 味道一流呀 而且食落口感清爽 一啲都唔滯 正呀 牛油果軟殼蟹沙律 個蟹係新鮮炸起落沙律 菜夠乾爽 唔會放隻蟹喺面令到隻蟹淋晒 個蟹食落香口 再沾上蟹籽同沙律醬 又係另一番風味 牛油果鮮甜肥美 真係好好食 漁。海鮮盛合 有鮑魚 蝦 蠔 蜆同魷魚 全部都好新鮮 員工仲會黎幫埋你燒 坐喺度就有得食 個蝦燒完好爽口彈牙 鮑魚有啲外脆內軟gei感覺 食落仲好香甜添 而個蜆 睇住佢燒到打開感覺真係令人好治癒 個蠔又大隻又肥美 真係好正 但係要小心 唔好咁趕住食 唔係就會燙到條脷嫁喇 個燒魷魚燒得好有心機 員工企喺度幫你慢慢燒 仲有剪好晒 燒得幾靚 真係好有日本睇卡通片嗰啲燒魷魚咁靚 又煙韌又好味 一流