一直對美甲方面都有研究,亦會不斷幫指甲上色修護保養等等 之前都係出去做修甲,自從買左LED照燈機之後就開始自己做, 亦都會買唔同既SOAK OFF GEL POLISH返泥試, 今次分享既SOAK GEL POLISH係上年尾去首爾旅行時買既CLIO, 當時只係買左BASE GEL、TOP GEL同埋兩隻色,因為唔知好冇用所以冇買太多。 但返泥之後發覺真係好好用,上色之餘又易搽就算唔識搽都唔會搽到一舊舊, 本身GEL POLISH唔會太厚所以搽出泥好平均,所以做完SOAK GEL D色好出甲面都會好令。 而且又易卸甲,用卸甲片放係GEL上面等一陣,然後用卸甲棒輕輕一推即刻卸到。 首先修好甲形之後把雙手浸水軟化死皮,然後清理指甲邊既死皮。 然後用粗粒豆腐挫輕挫甲面>塗平衡液>上BASE GEL>照燈兩分鐘> 上COLOR GEL>照燈兩分鐘>再上COLOR GEL>最後上TOP GEL>照燈兩分鐘 然後用酒精紙輕輕抺走剩餘係甲面既GEL,之後就完成喇 *搽個陣指甲同甲邊要留返1mm既空隙,否則指甲生出泥甲邊就會撓起而Keep得冇咁好。 下面做完之後既效果:) 下面係做完一個星期既效果,隻Gel真係Keep得好好,完全冇崩甲面冇花到。 我係正常做野,冇特別顧住d Gel甲既情況下都保持到, 點擊圖片放大 +2 依個牌子真係大愛,好後悔買得兩隻色,雖然宜家香港有CLIO既counter, 但係冇Soak Off Gel賣,只有旗下既化妝品賣。 其實仲有兩個美國牌子既Gel都好想試下,一個係Sally Hansen,另一個係Sensatio Nail。 買左有機會再分享比大家:)