旅遊*慢遊越南峴港2016-Day2(上) 15Jan2016 早上9點已經起身,先到酒店對面既泳池晒太陽,然後返房收拾李準備下午轉酒店, 之後就去左酒店地下餐廳食野, 點了越南牛肉河粉(PHO BO)及越式撈米粉(CAU LAO) :roll: 已經唔記得正確名稱 越南牛肉河普普通通,粉比較粗,牛肉亦冇肉味, 但撈米粉就好好味,將少少米粉放係魚露既碗內,然後加埋香葉同豬肉一齊食, 燒豬肉好香口,而且唔止一種燒豬肉,亦點了越南咖啡,好滿足。 食完仲未夠12點,因為酒店要兩點先可以CHECK IN,所以就去左酒店做腳底按摩, 做完按摩就出發去-InterContinental Danang Sun Peninsula Resort, 由fusion suites去洲際酒店大約十五分鐘車程,沿海邊一條大直路就去到。 途中經過名勝-靈應寺(Linh Ung Pagoda),是一座宏偉的觀音, 座落於山茶半島上,由當地華僑集資建成, 當地流傳一個傳說,在建造觀音之前,因為沿海每逄雨季都會大風大雨對漁民居民造成影響, 後來建成觀音後,一切就變得風平浪靜了。 所以當地居民都相信是因為觀音保佑平安的關係, 到了酒店,沿路都有很多猴子的裝飾,因為酒店建於一座山上, 而且真的有猴子在酒店出現,不過不用怕,牠們不會傷害人但有可能會搶食物, 所以食物最好收好,同埋房間露台的門要時常關上, 酒店分為四個區域-Heaven、Sky、Sea、Earth,今次住的是Sky level。 因為地方大所以出入都要叫電動車代步,把客人送去各個位置。 而且酒店亦有纜車來往山頭至山腳,全程不過兩分鐘,可停靠各餐廳。 一去到酒店冇太陽亦比市區更覺涼,可能係向北面既原因。 而且入住兩日都冇太陽,第二日仲落左全日雨,到第三日Check Out先出太陽, 一入房右邊是浴室,有一個花形浴缸,浴室好大。 房間好寬敞,而放行李既位置都有兩個,張床好大好舒適, 酒店每個房間座向都是向海,所以一起身打開簾就見到海, 而且每間都有露台,露台好大,有梳化及高枱, 點擊圖片放大 大床對上的天花,感覺到酒店在每一處的設計都很有心思。 酒店房間介紹完,下一篇介紹會安古城:)