旅遊*慢遊越南峴港-Day1 延續篇 14Jan2016 上一篇介紹了入住的酒店及越南簽證需知,這篇是介紹海鮮美食。 由於抵達酒店已晚上7時多,我們一直都未食野,非常非常肚餓。 亦得知越南的海鮮很平很新鮮,而在我們酒店樓下就有一家食海鮮的大排檔-Hai San Be Man, 放下行李便沖沖下樓一嚐海鮮了, 這家海鮮檔有很多當地人幫襯,在當地算是十分有名,亦都會有很多遊客前來, 不過每一款的海鮮價格都寫在牆上的板,所以有明碼實價感覺 而地下放有一盤盤的海鮮,當你點好海鮮次後就選擇烹調方式,然後返坐餐枱他們很快便會送上來, 我們點了一隻膏蟹,因為我們不懂計算價格,怕索價很貴,所以同時只點了一個青菜和海鮮炒麵及一罐汽水, 然後返回枱上,見到當地人都點了烚蜆,所以我們都想試下亦點了, 順帶一說,店內人手充足,亦算有禮,雖然佢地唔識講英文,但指手劃腳都叫溝通到。 蒜蓉炒膏蟹及炒通菜 烚蜆及海鮮炒麵 首先蒜蓉炒膏蟹,非常鮮甜亦好多膏,同朋友一人一半岩岩好,肉質亦好鮮嫩;炒通菜都好好食, 烚蜆送到時上面有很多香葉同香茅,所以食落唔會無味同埋好新鮮;海鮮炒麵就係要飽肚所以先點但都唔錯, 以上份量兩個人食唔哂,本來想試埋當地有名的皮皮蝦,或者下次有機會再去食:) 最後埋單(vdn474500=hkd170),平到嚇親,原本以為要過hkd500,所以見到咁平都冇再考究張單有冇收多, 留意:當點完海鮮返返張枱,見到張枱有一盤果盤同埋兩支啤酒,因為兩樣我地都唔食,所以比返佢收走, 如果你唔同佢講唔要佢地就會收埋你錢嫁喇 Hai Sen-Be Man 地址:Lo 13 Durong Hoang Sa - Da Nang, Da Nang,Vietnam 在Fusion Suites Danang Beach Hotel旁邊,這家海鮮檔應該黃昏才開始營業到深夜 回酒店後,我們見時間尚早就上去酒店頂樓的天台酒吧飲野,雖然四周柒黑一片,但坐著吹海風亦很舒服 戶外是天台酒吧,室內是用餐的地方,這晚沒有人在內用餐,而戶外只有三枱客人包括我們。 我們來到越南已急不及待要一嘗越南的咖啡,他們的咖啡是配上煉奶真的非常濃郁好飲, 不過我本身不太好咖啡,少許對我也是太強烈,所以當晚在床上整晚也睡不下。 明天就會轉酒店-InterContinental Danang Sun Peninsula Resort,下篇繼續分享:)