身處以廣東話作為母語嘅香港,好多同學嘅英文可能都會稍遜一籌;即使已經喺英文科下咗唔少苦工,都仍然未見有進步。小編喺中學時期都曾經遇過相同問題,好彩之後改善咗英文科嘅温習方法,情況有所改善。所以,今日就等我同大家分享幾個可以令英文科大進步嘅小貼士啦! 多聽 好多人都話要學好英文,首先要多聽英文。呢個的確係毋庸置疑嘅事實,唔單止可以改善各位同學係paper 3嘅聆聽能力,仲可以令大家嘅英文accent更加純正。如果唔想浪費太多時間係聽英文上面,小編建議大家善用交通時間,係每日大概十幾分鐘至半個鐘嘅車程中上youtube聽吓BBC news,想更有趣味性嘅話你亦都可以去聽下各種明星嘅interviews。由一開始要跟住字幕,到慢慢儘量迫自己唔好睇字幕,就咁都聽得明條片講咩,咁你嘅英文自然就會有好大進步㗎啦! 多講 多聽只係一個吸收知識嘅過程,多講先可以真正睇得出你能否充分運用已有嘅知識、技巧。你可能會問:我身邊都冇啲咩外國人或者交流生,點樣多講英文啊?其實好簡單㗎咋!因為身邊嘅同學就係你最好嘅「講英文」對象。你地大多程度相當,唔會理解唔到對方嘅說話,而且多用英文溝通,大家可以仲可以互相交流,一齊進步。小編嗰時成日都會喺小息、午膳時間同同學規定只可以用英文溝通,慢慢就會習慣成自然。其實,真正嘅英文speaking都只不過係要大家用英文傾偈,所以預先係日常生活中熟習嗰考試過程,到時自然唔會怯場,可以發揮水準啦! 多背 生字不足一向係香港中學生喺英文科嘅一大弊病,所以如果想喺英文科有顯著嘅進步,各位就必須喺背生字方面多下苦功。記憶係有限嘅,因此小編建議大家要識得「選擇性」地背生字。咁邊啲生字值得背啊?大家不妨睇吓喺考試中比較多出現或者自己作文入面比較常用到嘅生字,然後諗吓有冇更加艱深嘅同義詞;譬如,'healthy' 有時可以用 'wholesome' or 'robust'黎代替,都能表達「健康、健全」嘅意思。而且,同學應該善用互聯網、各個社交平台黎幫助自己,從中發掘更多英文生字。當然,如果想要更加專業嘅協助,亦歡迎大家去Tutorduck搵各位喺英文科取得佳績嘅師兄師姐幫手補習啊! #過萬優質私補導師資料 #24H CS專線配對一對一視訊/私補老師