考試越黎越近,但功課越黎越多,未做嘅嘢亦越積越多;相信呢個係時下唔少中學生嘅憂慮。時間係有限嘅,所以問題嘅關鍵在於如何有效咁規劃時間,從而提高溫習效率,善用每分每秒。今日,就等小編講解幾個可以令大家更有效咁安排温書時間嘅方法,希望幫到各位同學。 1.Set一個合理嘅溫習時間表 其實,好多人溫習之所以冇效率係因為係要温習嘅當下,佢地根本唔知自己想温啲咩或者有啲咩要做;缺乏實際目標,所以才沒有動力。因此,小編建議各位同學係每日開始學習之前,先定下一個合理嘅溫習時間表,你可以將每一日分為早午晚三節,或者隨你嘅喜好分做十節也可以。然後,將你要做嘅tasks適當地分配係各個timeslot入面,盡力完成自己安排俾自己嘅工作。但記住唔好將目標定得太高,否則只會讓自己感到挫敗,適得其反。 2. 善用每分每秒 中學生嘅時間本身就已經唔夠用,所以更加要識得善用每一分每一秒。好多時候,同學都會哂左啲時間係交通上面,例如來回補習社嘅車程;所以,小編建議大家可以善用交通時間,俾一啲小tasks自己做,譬如背啲英文生字同埋聽吓英文新聞。雖然搭車嘅時間唔多,但正所謂積少成多,久而久之,同學自然可以提高温習效率。 3. 適當嘅休息 温習嘅時間多並不代表温習嘅質素高,一直不斷chur亦不等於你有效率。身為過來人嘅小編明白,唔係每一刻都可以好有效率咁溫書。因此,如果大家真係覺得攰嘅時候,温極都唔入腦,咁就即管俾自己去休息10分鐘啦!可以黎個power nap,或者睇陣youtube,再或者食吓零食都得,幫自己充一充電,之後嘅温習先會更有效率㗎! #過萬優質私補導師資料 #24H CS專線配對一對一視訊/私補老師