相信醫科係好多人心目中係神科一般嘅存在,話哂連狀元都選擇讀醫,入得去嘅基本上個個都係精英。其實,神科嘅面試雖然困難重重,但絕對唔係無從入手。適逢依家DSE就黎考完,又到左大學面試嘅季節,就等小編呢個過來人同大家分享一下中大醫科嘅面試小貼士! 1. One-page CV 根據往年習慣,中大醫學院會係interview之後寄電郵提醒同學準備一份one-page CV,簡單介紹一下自己。基本上呢份CV應該會需要你最多嘅功夫去準備,但冇寫CV經驗嘅同學仔都唔駛太擔心,因為電郵中已經會附上template俾你參考,同學甚至可以就咁將自己嘅資料填入去,包括achievements, past medical experiences, leadership experiences等等。如果填唔曬亦唔需要徬徨,畢竟唔係個個都有參加好多活動㗎嘛! 2. 有機會出現嘅問題 除左one-page CV之外,同學可以就住點樣回答interview有機會出現嘅題目作出準備,等到時表現得臨危不亂。係大約10-15分鐘嘅面試入面,professors主要會問你兩方面嘅問題。第一,一啲圍繞住「讀醫」嘅題目,譬如已經係老生常談嘅「點解你想讀醫」、你對香港近期醫療問題或者政策嘅睇法。第二,佢地亦都會問一啲關於CV嘅內容,所以要確保自己對於CV上寫左嘅活動有充分了解,費事到時俾人問到口啞啞啦! 3. 一個良好嘅心態 其實,醫科面試並唔恐怖。大部分interviewers都好友善,你只需要當係同朋友分享自己嘅看法、感受同個人經歷就可以。同學亦唔需要事先背定好多醫學知識等到時「拋書包」,因為好多時候考官都明白你仲未係醫學生;所以,相比起考核你嘅知識,佢地更想睇到你對讀醫嘅熱誠同埋考驗你嘅道德標準。因此,各位同學無需過份擔心,事前準備充足,屆時只需要做好自己,冷靜應對就可以。 最後,小編希望以上內容可以幫到大家準備CUHK Medicine嘅面試;如果大家仲係對醫科嘅面試內容有疑問嘅話,亦可以去Tutorduck揾各位唔同大學嘅醫科生師兄師姐私補面試技巧,預祝各位係面試中一切順利! #過萬優質私補導師資料 #24H CS專線配對一對一視訊/私補老師