終於拖下拖下俾我拖到隔咗2個禮拜先打呢個post出黎XDD其實對於我呢個“香港(島)人”+宅女黎講,平時冇咩特別係唔會過海既(車費太貴係重點) 而今次都係有目的,目的就係幾個女仔去尖沙咀玩做半日遊客影影相,我個FD名為“留倩影行動”XDD,28號個日就約咗係星光大道集合,然後一齊睇幻彩詠香江再去附近影相觀光。 個晚天氣唔錯,除咗略為大風外:p不過我睇完幻彩詠香江後,我覺得係銅鑼灣/灣仔個邊睇會比較好,因為感覺係尖沙咀呢邊望過去既激光特效唔多,反而文化中心附近既幻燈更吸引! 總的來說,幻彩詠香江確係唔錯,大概係我太挑剔x_x 跟住就去咗海港城既迪士尼小世界(呢個名我作既XD),想當然比星光大道更多人。迫下迫下就咁樣miss咗Mo仔個位。 未完待續-v-