今次去左三個城市,住左三間Airbnb,質素都唔錯。 悉尼7/10: 呢間位於唐人街Haymarket既airbnb,賣點係超方便!五分鐘就行到CENTRAL STATION,又近輕軌列車站。十分鐘就步行到DARLING HARBOUR. 坐落係大學區附近,而且樓下有超市Woolworths,仲有好多食肆。 單位位於高層,有個露台可以睇風景,仲會聽到附近鐘樓報時既鐘聲。缺點係清潔情況一般,無牙刷牙膏提供。 布里斯本8/10: 呢間係一個叫KANGAROO POINT既地方,AIRBNB係高級住宅群當中的單幢樓。自助CHECK-IN,四周都係高級住宅,非常寧靜. 有免費既專屬車位可供泊車。優點係地方好乾淨,位處高層,遠眺STORY BRIDGE,十五分鐘車程可去到市中心。缺點係無租車可能會麻煩少少,附近較少餐廳,同埋未裝冷氣,幸好五月係秋涼,同樣無牙刷牙膏提供。 點擊圖片放大 黃金海岸 8.8/10: 間AIRBNB位於黃金海岸既SOUTH PORT,同SURFER PARADISE、Main Beach有段十五分鐘車程既距離。有免費既專屬車位可供泊車。優點係180度無敵大海景既露台,廚房用具超級齊全。而且佢係三間AIRBNB入面最平既! 仲有泳池同SPA。缺點係無租車可能會麻煩少少,地理優勢上減左分,同樣無牙刷牙膏提供。 點擊圖片放大 +3 三間都好岩家庭或者四五人住,一般有兩至三房,其中一間係套房。有興趣可以直接CLICK入AIRBNB條LINK睇下。 Sydney: https://www.airbnb.com.hk/rooms/21269741 Brisbane: https://www.airbnb.com.hk/rooms/22572548 Gold Coast: https://www.airbnb.co.nz/rooms/20587022 以上分享純屬個人分享,沒有商業合作成份的。