澳門12月除左有TEAMLAB展覽,仲有「2017 澳門光影節 – 愛滿全城‧愛在路上」,趁住周末小編就去左澳門逛一轉. 聽說今年澳門光影節比過去兩年更盛大,光影節以大三巴牌坊為中心,延伸出三條路線,分別係議事亭前地、聖安多尼教堂以及望德聖母堂,合共8個展演場地添. 聖誕出唔到遠門,但又想離開香港鬆一鬆,無難度! 聖誕就快到,到處都有聖誕佈置,節日氣氛相當濃厚。 美高梅既聖誕佈置金光閃閃. 點擊圖片放大 +2 第一站: Dean & Deluca Cafe 一場黎到澳門,仲去左試人氣十足既美國紐約過江龍Dean & Deluca Cafe,剛係十月初開業,係澳門銀河酒店首設既中港澳分店。有鹹食,亦有甜食,賣相全部都好吸引! 點擊圖片放大 +2 招牌既彩虹千層蛋糕 (MOP$46),忌廉幼滑不膩,一層層蛋糕很平均。 另一款紅絲絨蛋糕 (MOP$42)更出色,忌廉芝士味唔會太濃,甜度剛好.仲試左綠茶紅豆卷,抹茶味唔算濃,蛋糕有點乾,反而紅豆味更濃. 兩支樽裝飲品係蘋果汁同蘋果薄荷茶,蘋果汁真材實料,蘋果薄荷茶蘋果味偏淡。除左支裝飲品,亦有咖啡同其他特飲。 CAFÉ採自助形式,無論搵位定落單,所以無加一。下午四點人客明顯減少,咁就唔使等咁耐位喇! DEAN & DELUCA CAFE 地址:路氹城「澳門銀河™」綜合渡假城地下G107號舖 時間:8am-9pm 第二站: 檸檬車露 檸檬車露是義大利手拉雪糕專賣店,曾連續九年獲得澳門美食節銷量冠軍,仲係澳門米之蓮既Gelato,標榜雪糕低至0-8%脂肪。銀河酒店同官也街都有分店。冰淇淋有單球、雙球、三球選擇,單球只限杯裝,其他可選筒裝或杯裝。 選擇好多,可以先試味後購買。點了雙口味 MOP40。 檸檬是招牌口味,也是創始的第一個味道,點都要試下! 酸得黎清新,質感有點似沙冰。另一款冧酒朱古力,酒同朱古力味兩者平衡得唔錯。聽說雪糕不含化學添加劑,冰淇淋融化得好快,而且會很快的在咀裡化開,大家唔好掛住相機食先。 澳門銀河地址:澳門銀河度綜合渡假城 1F水晶大堂 第三站: 世紀咖啡外賣店 由銀河酒店行去官也街十分鐘左右,去開官也街買手信,不妨黎試試澳門世記咖啡,呢間外賣店位於氹仔舊城區,有50年以上的歷史,一直得到街坊的捧場和支持。馳名的有瓦煲咖啡和奶茶,聽聞幾十年來堅持沿用古式的炭爐來燒泡加上家傳的秘方炮製出馳名的咖啡及奶茶。 我地試左奶醬花生方塊(MOP$25),份量一點都唔小! 厚多士切成方塊,外面係一層花生醬同煉奶,再加上花生碎。麵包相當鬆軟,喜歡花生醬的必定大愛! 豬扒包同咸牛肉厚蛋多士都係人氣之選. 世紀咖啡外賣店 地址: 氹仔消防局前地一號地下 (官也街的士站旁) 營業時間: 星期一至星期日11:00 am – 7:00 pm (逢星期二休息) 第四站:大三巴牌坊光雕表演 由世紀咖啡外賣店對面搭3號巴士(MOP$4.2)就可以去到新馬路。黃昏後黎到新馬路,整個大三巴附近都非常熱鬧。議事亭前地的聖誕樹係必影靚位之一。 點擊圖片放大 光影節於大三巴牌坊每晚7時至10時上映,每隔半小時都會上演光雕表演《愛之無界》。表演時間約十分鐘。 點擊圖片放大 2017澳門光影節-愛滿全城‧愛在路上 日期︰12月3日至31日 時間︰7 pm – 10 pm 詳情︰www.macaotourism.gov.mo 第五站: 試業中的中式燉湯「鳳城軒」 店的招牌是鳳城軒,但網上餐廳指南卻說結業了,明明門口貼著試業中,可能是易手了。 點了燉湯套餐配蒸素餃(可選煎)。燉湯是四選一,選了椰皇鮮奶燉烏雞,用料十足,椰子味濃,飲完暖笠笠。 蒸素餃熱乎乎的上台,餡料豐富,皮薄而有嚼口,配醋吃一絕。 仲點了海鮮湯河粉,有蝦、蠔仔、魚蛋、蟹柳等配料,河粉同平時食既唔同,不是滑滑的那種,係帶點粗糙的,反而可以掛多點湯. 小食點了米通綾魚球,即叫即炸,誠意十足。 鳳城軒 地址: 新馬路大炮台街2D號地下 營業時間: 星期一至日11:00-22:00 如果喜歡我的分享請follow我的IG喔!謝謝♥♥♥