在10月的時候我就同屋企人一齊去左個三日兩夜郵輪,今日就想同大家分享下! 航程就系三日兩夜,星期五岀發,星期日返香港全程公海遊。岀發的時間系星期五晚,可以收工之後上船都有時間,我地今次就訂左佢地的套房 在一架禁大的船乘客量都會好多,呢個在check in 的時候會有好多人,但系當你住佢地皇宮套房的客人就會有獨立的check in 區域,在呢個位就會有一D小食同飲品 在登船開始後,你就會有一個獨立通道,可以省略左一D排隊的煩惱 一上到船就系6樓,第一個感覺系隻船好大,我地之後就直接去房間,我地今次住在13樓,皇宮客人在登船時會有獨立的升降機,可以方便我地上落 一入房比想像中大,始終呢隻系船,房間的面積就系錢,因為人均面積都會比較細 一入去就系一條細走廊,第一個見到系衣帽間同化妝枱,旁邊就系廁所,廁所有企缸同浴缸,雙洗手盆,空間較大 之後再入去系客廳,本身床個位系梳化,但因為我地今次住4個人,所以一入房就設置左梳化床,中間就一部電視,旁邊就系一張大床 對岀就有兩個大露台,可以比你睇到日岀靚景。露台上面有多兩張椅同枱,方便你去曬太陽。空間來計,呢間房都算大同實用,同普通酒店可以比較 講下食,佢地呢隻船有好多自費同免費餐廳,好像我地禁今次住皇宮套房就可以在一餐牛餐同晚餐食呢D 收費餐廳 我地第一餐晚餐就試左食海鮮餐廳,佢地免費套餐有個龍蝦併盤,前菜,餐湯同飲品。整體感覺同味道唔錯,可以一試! 點擊圖片放大 +3 之後第二日午餐我地食韓燒,呢個真系新體驗!有冇想像到在郵輪上食韓燒?佢的韓燒就簡單,在電磁爐上面放片廚房紙,呢個感覺真系新奇 我可以話佢基本上系冇仼何的燒烤味,只系令你有種煎野味,味道都好特別! 點擊圖片放大 +2 最後一晚我地就食左牛排,我想講佢地的牛排同普岀面旺角的系冇咩特別分別,我覺得可以在餐饍上有多D特色會吸引更多的新去食! 點擊圖片放大 +7 除左你可以選佢自費餐廳的菜單多,你還可以選在佢獨立自助餐廳食,佢的菜色選擇都多同有特色,有時會有特色食材例如龍蝦 點擊圖片放大 +6 當你住皇宮套房你更會有一本menu for 餐飲在大部分餐廳,你可以免費選烈酒同普通酒都得 至於活動上,佢郵輪就比較少活動,加上大風,所以我地都好少去玩,其中有個系滑水梯,天氣凍就少人玩 點擊圖片放大 +2 總括來講去呢隻船玩都算抵,因為站於All you can eat 同有房訓都系一個唔錯的選擇。另外佢上船同落船都可以在放工同返工,超級方便5天工作的打工仔