曼谷君悅套房加仼食酒店泰菜攻略 在十月公眾假的時候我就去左曼谷三日兩夜,今次就唔住曼谷柏悅就住翻之前歷史老曼谷君悅。之前經次都住過,今次就特別D夾正我生日前後 我今次就經Hyatt Prive book 呢兩晚,我訂的是普通房,但佢最後upgrade 我地幾級到premier deluxe suite 地理位置 8/10 以得四面佛為名的君悅,佢就正正在四面佛的正上方。由四面佛去好多地方都好方便例如central world, big C 等等,特別是現在開左條天橋去水門市場就更加方便! 但有點要減下分,就系佢太近BTS 路軌,就算住到頂層都好嘈,特別是朝早起身既時候,真系比BTS 做鬧鐘叫醒! 房間 8/10 今次間房位於佢頂樓,我地今次就住在26樓,當酒店職員帶我地上房時有翻上次墨爾本君悅的感覺,上到26樓我地就轉左邊,行左幾間房後佢就話到左我間房 再一次見到兩對門的房,我心諗,生日加Hyatt Prive 加Globalist 都唔會由普通房升級到去呢間掛,我既要保持形象又想確認,我就問呢隻系咩套房,佢答話系Premier deluxe suite,佢都補充話upgrade 系因為我生日同globalist 呢下真心驚喜同興奮,早知你upgrade 我禁大間房,我住多幾晚or 坐早機過來啦! 離矖題,講翻間房,呢間房一個字,大! 一入門口就見到一個大廳,呢個廳三面都系窗,好光猛。門口旁邊有個客廁 在客廳的尾位有個Full size 廚房,唔系講笑,佢會有爐有廚具,系堅可以比你煮野食,裏面有一個大雪櫃,可以買雪糕返來都冇問題。雪櫃裏面非酒精飲品都可以全部仼飲,佢地放到個雪櫃好似便利店禁! 在廳入去就系房,呢個系一個扣分位,唔知系個佈局問題定本身酒店結構問題,佢的睡房好細,同間普通房冇分別 在亞洲地區好少會發生呢D問題,我放多個喼行走床兩邊已經撞到!好多時常見系美州歐洲國家因為結構問題會將一間房劃為廳,再connecting 一間普通房 因為佢房細,所以連個廁所都好細,佢個廁所就好似之前D君怕套房禁,另外佢的老毛病,水壓超低,系低到一個點,沖涼個花灑好似小橋流水禁,真系每日沖涼就罵一次!其實呢個系之前都有呢個問題,但冇改善姐 對於我來講,酒店的廁所水壓好重要,因為我一直都覺得去旅行返到酒店想沖個舒服的涼系好重要! 小插曲: 第二日朝早我去做Gym岀門口突然見到條牆虎貼在客廁度,我大叫左一聲,之後我地就同酒店講叫佢地處理佢,最後我岀完街返來佢已經消失左 設施 7/10 我今次就用左佢的Gym room 同泳池,我講下Gym room,可能因為有街外會籍,所以酒店個Gym room 器材好多同唔算多人 我覺得佢的採光都足但冇咩景比人睇,呢一點就差D,佢有個亮點系佢個steam room 同sauna,我覺得系我去禁多地方來講算大同清潔,有一個熱水同凍水池,人唔算多,做完運動可以來輕鬆一下 講下個泳池,酒店張相就好似好大好靚,個事實就系水一D都唔清又多人,我地一落左水唔多5分鐘就走,另外一點佢户外更近BTS 站就超嘈! 餐飲 9/10 正因為今次經Hyatt Prive book,所以會有100美金消費額度,我地就去左佢個間泰國菜食,在我一年前來泰國住柏悅都特登返來君悅食呢間泰菜,今次直情住佢就更加要試,我上次見佢有個all you can eat, 我上次想試但系太飽,今次留肚食佢 講下個仼食泰菜,佢系order 形式,你可以系佢指定menus order 不同的野食,佢的菜色好多,可以話包左大部分佢餐廳的菜色 點擊圖片放大 +3 我地就每種都試下,佢都可以好像平時單點禁要求辣度同個人口味,所以呢點超加分! 點擊圖片放大 在食完時酒店還送我地一隻蛋糕,真開心! 講下早餐,我地可以在上面club lounge 同下面的自助餐廳食,我覺得大家唔好期望禁多,佢樓下自助餐的食物種類都唔算多,至於上面club lounge 就更加少,但好奇怪,平時lounge 的野多精緻D但呢間就冇 服務 8/10 我地今次因為晚機到,所以就訂左架酒店車由機場去酒店,全程冇塞車大約35分鐘到,我覺得當大家坐夜機都可以考慮下坐 去到酒店一開車門就有人帶我地上房做in room check in。呢個服務幾好,唔需要企系大堂等! 呢一個系我覺得佢既Gym room 服務幾好,佢至少會比毛巾同比水,比起其他酒店就好好多! 總括 8/10 整體來講呢間酒店系餐飲特別系泰菜好岀色,但系間房真系有D舊,我就唔系禁鐘意!