商務艙的決擇 上次寫過一次特選經濟艙的決擇,我今日就講下點去決定坐唔坐商務艙 話說前幾個星期有個親戚叫我查機票時佢就有一個決擇坐唔坐商務艙,我就會用佢呢個例子講下大家應該點選位咩艙! 佢想在9月尾去紐約探朋友,佢本身系一個國泰馬可孛羅會銀卡人,所以想儲埋分。我當初就查到由香港經日本坐日航商務去美國大約5萬左右,如果坐美國航空就大約4萬幾。如果佢坐國泰直航特選經濟就大約2萬幾 點擊圖片放大 在儲分方面,商務就當然儲得多啦,有成200分,而特選經濟就有大約120 分 在佢唔識點選擇坐咩艙等的時候,我就用左三點去幫佢做決定: 舒適度同價性比 呢個就好睇你坐的艙等同你比錢的關係,好多人話系廢話,比得多就自然舒服D,但其實就唔會禁簡單! 我主要睇的是兩個艙價錢的分別比率,以日航的商務同國泰的特選經濟比,個差價大約系一倍,呢個一睇就知好唔抵,因為佢成程機每一分鐘都比多成一倍禁多 相反,用美國航空的商務比,佢就抵D,因為你都唔需要比多一倍錢去坐,只系比多萬多蚊就可以坐到! 拎分考慮 呢個好多時可以好決定性,因為當你的舒適度同價錢比的時候一定要加佢落去比較 大家有睇我之前篇飛多 D 拎多 D 里就知,其實如果當你飛長途未必拎到最多的里數同積分,相反你坐短途可以拎更多的分同里數 https://blog.ulifestyle.com.hk/blogger/traveluxworld/2019/09/飛得遠就多-d-里數?/ 所以呢個情況下,你就要睇下拎到幾多分同你比錢的關係。站於拎分比例,直航特選經濟一定輸。相反,你坐美國航空轉機轉得多就一定會合理D 自己的航班選擇 呢個可以講為最重要,因為坐的人系你,你一定要坐一個你鐘意的航班先可以,好似呢個例子禁,佢一直都想飛去EWR ,因為近朋友屋企,方便人地去接佢。另外,佢第二次入美國境,所以都想坐直航同有廣東話服務 當我聽到呢個位,我已經話唔洗諗,坐直航吧!如果佢一早同我講呢個條件,我諗都唔洗諗比呢個選擇佢! 總括下,其實坐咩艙都好睇你個人的看法,上面個兩個都系比大家一個參考,方便大家做一個決定!因為我都試過第三個條件兩邊都達到,好難做決定,所以我就會用頭兩個條件去決定,希望呢篇文章會幫到大家唔會覺得好廢!