【平住豪訓】墨爾本君悅外交官套房體驗 Grand Hyatt Melbourne diplomatic suite 繼續翻之前的澳洲之旅,我地今次在墨爾本就選擇左住君悅,在訂的時候就睇過同比較過君悅同柏悅,我地最後選擇左訂君悅 講下地理位置,Grand Hyatt 就位於市中心federation square 附近,大家要去墨爾本大教堂,舊火車站的位置,可以話個地理位置100分! 今次因為三個人住,所以我地就用左之前同大家講的Hyatt Praive 加一張套房升級卷升級到普通的Grand Suite King 在我地到步的時候,我就好似平時禁做check in,職員第一句就話我地今次幫你升級房種,我第一刻心諗應該是Grand deluxe suite 個D房種,佢就話比D神秘感,但提醒我入到房唔好嚇親 吓!嚇親?我有咩大場面未見過,我會嚇親?我聽到都覺得超怪,佢就比左房卡我,佢多口講左句,其實你間房冇房號,呢個號碼是酒店計岀來,你要睇清楚 我地就帶住興奮又害怕的心情去房間,今次佢寫的是3310房,我地上到33樓,見到房號牌有3301至3311房加diplomatic suite 的名個方向行,我地就數房號,數到10就發現原來系diplomatic suite 我個下真系嚇左一嚇,兩個對開門,門上就寫左diplomatic suite 冇房號,一打開房門,就會見到一個超大的客廳同飯廳,你冇睇錯系真的客飯廳 在門口旁邊有個廚房,裏面有微波爐咖啡機,full size 雪櫃,你會見到裏面有一套鍍金的茶具套裝 我地就好似參觀示範單位禁行下,之後就行入房的路途中有一間開放式的書房同兩張椅 之後就行入走廊去睡房,一入去就見到廁所,廁所一行入就嚇親,因為佢個廁所有分一個淋浴一個按摩企位,在中間就有個按摩浴池,一望岀去就系墨爾本市全景,可以話系超靚! 再行入D就系一個超大的衣帽間,衣帽間就冇咩太大特別,得個大字,再入去就系一間好正常的大睡房,睡房玻璃就三面玻璃,景觀就一流,假假地都在33樓 其實呢間房最特別系個廳同廁所,其他都冇咩太大特別,都系正正常常的加大版 講下佢的設施,酒店有一個好大的健身室,佢有好多機械比人用,最重點系冇咩人! 因為今次都系經Hyatt Prive 訂,所以都有100美金消費額,我地經過商量後覺得冇咩理由唔用佢個大飯廳食飯,所以我地就選擇左叫room service 我地叫左每人一個主菜同一個前菜,佢送上來的時候幫我地整埋table setting,成件事好似去左餐廳食飯禁,佢地送餐的人主動問我地要唔要茶同咖啡,可以幫我地用房的茶具沖,我地就當然要試下啦,佢真系好細心同注意細節禁幫我地set 好枱 我上網睇翻間房個真正房價,原來每晚要成一萬蚊,其實如果以呢個價錢來講都算抵同可以住,當然啦大前提系你多人來玩,對於今次的住宿好滿意同覺得咩都抵矖,我地覺得值得一試,當然有得upgrade 就最好啦!