【平飛豪坐】國泰航空全新商務艙服務香港至悉尼 上次講過我買左張馬航機票,因為頭段航班delay,所以我地就改左坐第二日國泰直航飛悉尼,今次更可以試下新商務流程,我就今日分享下我的心得同體驗 我地一早到機場,因為機飛9點正,我地就在 The pier 食少少野先上機,今次班機都好準時上機,一上到機,己經發現佢地放左餐牌,水同個人護理包 今次都是長程機反魚骨靚位,雖然是飛日頭機,但都足夠,之後坐底左就有個Welcome drink,佢地新服務個Drink 杯都有不同,個杯都大D,影相都好D 講下餐牌,佢用一個好似報紙的方式比客人,佢會包括左一D餐飲的小資訊,今期就講下漢堡包 起左飛後,空中服務員就幫我地take 早餐order,佢地呢班機會提供一份早餐同晚餐,我早餐就選左粥,賣相睇落就好過之前,佢個碗比之前大,更有餐廳食物的賣相 降落前兩個鐘,空中服務員就提供晚餐,呢個是全服務full service,由前菜到主菜都齊,今次我就選左中餐,佢是一個蒸魚加白飯,我覺得個賣相真系贏曬,佢的味道就同以前個D餐一樣 點擊圖片放大 +3 整體來講,我覺得現在呢個新服務的上餐速度較之前快,但真的,我同空中服務員討論呢個服務都是少左好多溝通,以前都會睇下D主菜先選,現在就直接比你,你同佢的交流等於0,呢一方面就真系要國泰想辦法處理下 今次呢程機都有wifi,我都有買到,但速度有D慢,總括來講,呢程機都不差,空中服務員服務細心同餐賣相靚,我對於坐呢D日頭機都好鐘意,因為易適應時差,大家不妨試下國泰長途新服務,佢地已經推岀曬全線啦!