【平飛豪坐】新加坡航空河內至新加坡商務艙體驗 好耐冇寫過飛機的飛行體驗,今日就分享下我上次美國之旅最尾段時飛的一程河内至新加坡的商務艙 講下今次點解會坐佢先,我之前就買左河內飛美國的國泰頭等,系我買駁頭段機的時候,我睇到河內入新加坡走的機票價格同河內來回一樣,而我又有 D 信用卡積分,所以就換個單程試下 講真,我一直都好想試坐新航的商務艙,因為我一直好想知大家成日話人地好 D 系咪真! 講翻個飛行體驗,新航當然會有自己獨立的商務櫃臺,去得櫃臺 check in 就當然想拎到佢張signature 的藍色登機證! 我地都好快過完關就去左佢個 lounge 等上機,因為我地坐港龍機 9 點到當地,我地坐12點機飛新加坡!個 Lounge 就系用越南航空的貴賓室,裏面會有傳統的越南野食,我覺得幾有特色! 到上機啦,我第一樣野的比較是新航商務會有帶位服務,呢個比國泰做得足 D!講下個位,佢都是屬於地區性商務,但人地可以調個角度低 D,坐落比國泰舒服! 上機後佢地就會比熱毛巾同 Welcome Drink,呢兩樣野冇咩特別,之後我就發現左佢個餐牌已經放左系個位前面,佢個餐牌系兩段機一齊放都幾特別 起左飛後佢地就比第一轉餐飲,我地就當然要佢特色的 Singapore Sling 啦,用左 Gin 酒做底加左有 Cherry 味,味道不錯,我之後都飲多左幾杯! 之後就來 take order,我選左西餐,媽媽選左中餐,賣相就真系輸左比國泰,雖然佢都系一盤上,但 D 汁溝埋一齊後個味就差 D 點擊圖片放大 甜品佢就會用個碗仔上,但冇左國泰常見的雪糕,我覺得就差左D,最後當然要飲下佢的茶,話說佢的茶都系 TWG,品質好好,佢會比埋個茶碟仔你放茶包,我覺得呢個服務幾好 我地都冇點用佢電視,只系發現左佢電視唔系 touch screen 而個 remote control 就唔系禁好反應,所以佢個電視差過國泰! 呢一段機都系大約三個鐘,所以都唔系真正體驗到佢個服務,可能我唔系佢地會員服務就冇咩特別,同國泰比冇左廣東話服務就差左 D,餐就因為放曬系一盤就味道一般 整體來講都算高質,真心可以同國泰機有得比較,我最後推薦大家可以在呢 D 接回程時試下不同心水的航空公司,雖然真心因粉坐新航有 D 怪