買機票的神秘條款 之前好耐都冇update 過個blog 是因為我要將一個本來8月去的行程改做現正岀發,在改機票時就發現到本身有個條款令我額外比更多錢改! 講下件事的背景先,我在5月的時候買左馬來西亞航空的商務特價 Z class 的一萬蚊來回連稅機票,對於飛澳洲的價位,一萬蚊連稅系入手價!所以我一次過買左三張8月岀發的墨爾本來回的機票 之後,因為工作原因,我要將機票改到7月去,我打上去旅行社要求改機票,我買機票時都睇到同等艙等 Z class 就只需要補機票差價加稅的差別就可以改機票! 正因為禁,我就上左去Expert flyer 去搵下同一艙等 Z class 同同一routing 的時間叫旅行社改。本身旅行社睇機票都話可以,點知之後佢打來話馬航一定我Up sale 上booking class D 先改得! What!!! 要up sale 上D class,佢比我的票價差要HKD9000,連埋改期費要收多一萬 吓!一萬蚊我可以買多張機票!當然以我一個所謂精明旅遊人就一定要問佢原因,點解Z class 有位情況下都一定要up sale 上D class,我一直都覺得非常唔合理 其實,在呢個情況下可以用書本上的理論去解釋,航空公司會岀一D promotion 去吸引你買機票,去保證佢個班機有足夠的收入令到佢可以回本,當客人照機票日子時間坐,你就可以著數左,當你坐唔到,航空公司有權根據 “機票條款” 叫你比翻正價改 or 你自願放棄 在我買機票時都知呢張票一定冇得退只可以改,所以我都以改機票為大前提,我都不斷睇不同routing 的改票費,因為佢永遠都要up sale 上 D class,點都需要9千蚊的 Fare difference! 之後我開始諗其實我買機票時有冇比我睇呢條條款,我查翻我買機票時收到同聽到的資訊都只話 Fare difference,呢個 Term 包左好多野,即是等於你同人講upgrade 一樣,可以用分upgrade 同錢up 同免費up。Fare difference 可以系 Z class 的分別,routing 分別,Z class 同 D class 的分別,千千萬萬種都叫Fare Difference ! 旅行社之後同我講,佢話馬航對於fare Difference 系定義為 Market fare 同 Promotion fare 的分別 Z class 是屬於Promotion fare,而 D class 是屬於Market Fare,所以當你要改 Z class 機票時一定要先改到D class 再睇 D class 的fare difference 當佢講到呢度,我就眀白是我傻仔了,冇睇到呢條禁重要的條款,所以在我冇辦法下就一定要比呢 9千蚊的 Fare difference 今次講既野有D長,但最後都要提下大家買機票要睇清楚下面3點先好買,如果唔系下次就系你變左傻仔 1. 機票如何定義 Fare Difference 2. 改期有冇日子限制 3. 提前改票的要求 如果今個文章反應好,我會用上面三個注意事項詳細解釋下!