【平住豪訓】河內Landmark 72 洲際酒店 隔左幾日寫野,今日就分享下另一個酒店集團的五星酒店體驗! 話說我上個星期開始左我的快閃特價頭等之旅,之前都講過,呢張機票的始發地系越南的河內,所以我地就選擇左系河內住一晚先啟程飛去溫哥華 由於工作需要,我星期日坐夜機飛河內,到當地已經大約夜晚7點幾,之前因為怕佢地的交通麻煩,所以就book 左佢地酒店車接送酒店 我可以話架車好舊,好污穢,但司機都服務好,駕車個情況都滿意!我地第一次見到越南的感覺系覺得佢好像舊時未開發的中國禁,D人同車都有D落後 我地坐左大約40分鐘車後就到酒店,酒店位於河內的商業區,附近大多系商業大厦同高級住宅,呢個位距離市中心舊城區都幾遠! 講翻間酒店,酒店位於landmark 72 的62至72樓,佢客房就由64至70樓,都系個句超高! 高的大厦有個問題系有可能冇景睇,例如好像我地呢兩日禁多雲大霧,就咩都睇唔到,望岀去就成張白紙禁! 今次我地系直接 book 套房,所以要大約3千幾蚊一晚,系 5 星酒店來計都算合理,我地間套房位於68樓,望市中心景(冇霧的話) 房間就正正常常,一個廳一個房,浴室好大同有一個落地玻璃窗 比我的感覺,間房就比較空蕩蕩,可能因為D傢私大多放左系房入面,個廳就有D吉!但都覺得呢間酒店都好注重商務旅遊,佢有好多商務用的野例如好多部電話,全套文具等等! 住套房的人會包行政酒廊的access,大家唔好以為好像其他酒店禁好細同食物種類少,佢地個lounge 岀名大! 由早餐時段service 單點早餐至三層下午茶配三文治,好豐富,包你食飽! 點擊圖片放大 +2 因為聽酒店講治安唔系禁好同交通有D亂,所以我地冇岀去行,我地就變左留系酒店,我地就去左酒店做GYM 整體今次酒店住宿體驗都唔錯同埋佢地都好關心你地的需要,佢地酒店會系地下整個等車區可以舒服地等回程車返機場 河內Landmark 72 洲際酒店 (InterContinental Hanoi Landmark72) Address: Keangnam Hanoi Landmark72 Tower Plot E6, Cau Giay New Urban Area, Me Tri Ward, Nam Tu Liem District, Hanoi, Vietnam Website: https://landmark72.intercontinental.com