我的飛行習慣 今日星期日就同大家講下一 D 我平時坐飛機的小習慣!每一個人去飛行都會有不同的習慣同喜好 第一 本人就好明白到 Just In Time 的定理,在航空公司定的登機時間前我就會大多系閘口等上機,可能因為鐘意機埸同飛機的關係,我好多時會留意佢地 Boarding 前會做 D 咩,點去Prepare,呢個亦系我其中一個興趣! 另一個我的登機小習慣系會早 D上機處理左我一 D 小的事,例如放下行李,拎翻上機要用的野岀來 第二 我平時飛行前會執一個袋,個袋裏面放左我要用的充電線同插頭,當我上到機後,我會將佢掛系個位旁邊的地方! 可能因為我有兩部手機(工作辛苦命)我好急需要充電,我最唔鐘意系到達當地時個電話系冇電的! 第三 我個人一向都好 Dry (各方面都系)我每次上機前一定要拎枝水上飛機飲,有時冇拎到就要上機問空中服務員拎,其實佢上餐時都有枝細水,個對於我呢個長 Dry 的人就唔夠飲! 第四 好多人問我會唔會系飛機飲酒,我的答案系睇情況,我的習慣系當飛長途機而我水量充足的時候我會系餐的中間飲少少酒令自己好訓 D,但當短途 Or 中途機我就比較少飲酒,除非突然有心情 Or D 酒 List 好特別 但有一個習慣系一定唔會改就系餐後飲茶的習慣,當我坐爆早機的時候我會飲咖啡,當我坐下午機的時候我會飲中國茶,當我坐夜機時我會飲菊花茶安眠! 第五 我坐飛機對於佢的娛樂系統都冇咩特別的喜好,除非個排有人推薦我睇一 D 戲但又冇去戲院睇,我先會系飛機的娛樂系統睇下有冇! 但有一樣野系一定要的就系電視撈飯,當上餐時我習慣左一定要睇電視,因為我唔想成日好像等食禁望空中服務員上餐!通常我就會睇一 D 旅行 Or 酒店的節目,因為時間短,配合到食餐時間! 之後食完餐當冇咩野岩睇我就會開個飛行路線岀來睇,我好鐘意睇架飛機飛到邊,幾耐到目的地,同途路的地名,飛幾高!我會帶我自己的耳機,播自己鐘意的 Playlist,休息下! 每一個人都會有自己飛行的習慣,只要你的習慣唔系好特別,其實就唔會禁多人理你!所以大家不妨享受每一段飛行!