飛行的失落 飛行除左為你的旅程帶來驚喜,但同時都會為你帶來失落感 今日就無聊寫下我一次飛行帶比我地的失落情況 最記得第一次飛行比我的失落感系由台北飛香港的國泰航班上,話說個次我同媽媽一齊去台北,我地來回程都用里數換機票,我當時特別買國泰 A350 的班機。那時候 A350 飛左大約 2至3日 左右,系我做 Online Check In 的時候我地特別睇下我之前選的特選經濟位有冇變,好開心位置還是一樣! 正因為呢班機的特選經濟系新的座椅類別同新的機艙設計,所以我非常期待呢個行程,我個日一早到機場 Check In,希望可以保證我可以拎到我自己選擇的位置,之後我地就在Lounge 度等飛機。因為知道飛機得個卷,所以特登在 Lounge 食多 D 野做晚餐! 登機時候前,我已經去左閘口影下佢的真身,但因為天黑,所以只可以遠距離觀看。到登機時,我比張登機證比地勤的時候,奇怪的聲音岀現!李先生,你同你的媽媽已被升等到商務艙! 我個時真系「吓」左一聲,我同地勤講,我真系好想試你地新機的特選經濟,因為佢的商務系同之前的反魚骨商務不分別,但系地勤話你地之前特選經濟個位已經比其他人坐左! 所以我就好失落禁坐新機商務!當然,可能升等對於好多人講系好事,但對呢個情況就不是一件好事!呢個亦做就左我到現在都未試到坐 A350 特選經濟 A350 個新商務位都算幾好坐但個setting 同設計就同平時個D商務一樣! 飛行小插曲 坐新機商務等食餐的時候發現空中服務員不斷來來回回禁走,佢地又冇推餐車,所有人都要等食餐,之後有空中服務員過來問我食咩的時候同我講話今日班機個焗爐壞左,所以要分批食餐! 我個班機剛剛升左做金卡,所以就可以系超左飛30分鐘有餐,但我媽媽系銀卡,佢就最後等到降落前30分鐘,機長廣播後先有得食 有時候坐飛機未必每次都可以禁順利,可能會有好多失落感,但只要系每次飛行時搵下一 D開心的小事,成個旅程都會更有意義!