【平飛豪坐】國泰生日商務特別驚喜飛行 HKG - BKK 系十月的時間我同媽媽飛去曼谷過生日,我地就買左特價商務飛過去。買去程時特別地選左一班有頭等的機,想試下 Diamond 生日 Upgrade 系咪真! 因為今次系買台北岀發,完成左台北香港後我地就去轉機之後去 The Pier 坐坐 我一直 Check 住有冇得 Upgrade,到我地班機登機前,我就早D去閘口等上機,希望有最後機會,可能因為冇人買頭等艙,所以國泰唔會開頭等艙岀來。過閘口的時候冇特別冇 Upgrade ,平平淡淡上機,上到機,我地坐翻本身自己個位 11D 同 11G,一如正常的國泰商務,冇咩特別。派毛巾,Welcome drink全冇特別 正因為個日系十月一號,成個商務艙都好嘈(就算系mini 商務艙得8個位都好嘈)當成機上曬客後,印度籍的 Senior Purser 就岀來 Greeting 同派餐牌。 就系個時,佢第一句就講 Happy Birthday,雖然之前台北香港已經好多人講過,我地好有禮貌講一聲 Thank you,之後佢同我講 Inflight service manager 有份驚喜比我,我話咩來架,佢就話等佢一陣同我講! 起左飛後,ISM 就走過來同我講一聲生日快樂,之後佢突然同我講:今日唔好坐商務,上來頭等坐,就當系我地比你的生日禮物! 我個刻嚇左一跳,我當然話好!佢就話你執好野就同媽媽一齊上去坐!我地之後執好野上去的時候另一位 Flight Purser 就同我地講試過曬D位,K 同 H 的位平D 系我地坐低先發現,原來今次系我同媽媽兩人包左個頭等,成個艙冇人,好舒服! 坐低左後,佢地的假頭等服務開始,佢地一開頭已經話因為本身冇賣頭等艙,所以冇上到頭等餐,其實我冇所謂,因為未上機已經好飽。點解會話系假頭等,因為佢地有D系頭等野有D系商務野,佢先上頭等的果仁,再之後就頭等餐飲,最後就上商務的餐 今日有幾種選,我就選左個蒸魚,食完已經好飽,我就整個位舒服D就休息下 系我地就來降落前,有一班空中服務員拎住香檳(雖然好難飲)唱生日歌過來,雖然成個頭等得我地,但都好驚喜!佢地之後比埋成機crew 簽的生日卡,真開心! 其實今次飛行體驗系非常好,同埋都好多謝佢地一班空姐的照顧,呢次兩個人包一個頭等真系超開心同興奮! 成日系網上睇每一個人有不同的生日體驗,但通常會員生日坐飛機都會有特別,不妨比自己生日有D特別,系生日時坐飛機體驗不一樣的旅程。最常聽到就系會員生日有得upgrade 一個艙等,但正如今次經驗,如果本身班機冇比錢頭等客,佢地系唔會 Upgrade