點先可以精明換機票?

點先可以精明換機票?

今日想講下點可以精明禁換機票,最近我就換左4套新年來回倫敦的機票比家人一齊岀遊,好多人問點可以一次過換到4套機票?

好多人都教大家用最少里數換最多的機票,但冇咩人教大家點去睇位,點去玩佢地換票的機制,今日就想同大家分享下

  1. 點去睇有冇位

之前有教過大家用expert flyer 睇有冇位,但系我呀哥就話呀個網要比錢先用得,禁有咩方法?

其實,大家可以用航空公司買位的情況去知到佢邊班機會大機會有位。當然,賣機票已經賣到好高booking class 的時候,換機票有位的機會等於0

另外,你可以直接上航空公司網上面睇佢換機票有冇位,比個例子都解釋下

好像你要2個人二人世界去東京玩,你查位可以試下查3至4個位的供應,當你查到有3至4個位你都可以考慮下換唔換住。當然,有可能突然有4個人一齊換你個班機,但機會率會少D。大家都知當你打上去問有幾多個位,佢地一定唔會答你

好多人有講過話去其他航空公司的系統睇有冇機位,但我可以話你知系唔準,因為我試過睇過系英航系統有位但我打去Asia mile 就冇位,我問佢點解,佢就話有D位系當地航空公司hold 左比佢地會員

同一道理,國泰都會hold 一D位比佢地會員自己換,特別系一D高艙等的位!

  1. 航空公司放位

好多人以為愈早換機票愈容量換到,但前排好多Blogger 話佢一年前都換唔到票,點解會禁呢?

其實Asia mile 系會開放一年後的機位,但在航空公司立場,佢會估計到在之後個10個月都會有一定人買呢班機。所以,航空公司會在1年前只會放少少位

真正航空會正式放位,佢會大多在岀發前一個月至岀發前2個星期,其實大家在排候補機位時人地都會定deadline 在岀發前2個星期,通常個時航空公司會放機位

  1. 未岀票先留位

好多人查Asia Mile 機位見到去程有位但回程冇位,又冇得留住去程,見到冇得坐

但其實你可以同佢地講系來回,回程候補去程確認,佢會比一個短 D 的deadline,但去程都可以留住

再跨張 D,我試過換單程,但多段,有一段有位確認一段候補都可以禁做,我最後等到另一段有位先岀。

但要記住,呢個系唔適用於 oneworld 的partner flight,同埋當你全段確認機位就一定要即時岀票


今日就同大家分享左三個換機票的精明小貼士,希望大家好好利用但唔好濫用,最後希望大家可以容易換到你 “里” 想機票

This entry was posted in 其他, 觀光, 酒店 / 度假村 and tagged , , , , , , , , , , , , , , , , , . Bookmark the permalink.