里數機票小攻略

里數機票小攻略

今日睇到話Asia mile 有架里數專機,呢班機會有好多位放比大家用里數換,但是大家有冇發現成日換機票都好難換同排waitlist 都未必排到,今日就分享下我之前換機票的心得講下我發現的小貼士!

1. 睇下實際賣位情況
好多時大家換機票時未必即時有位,個時大家就會排候補。有D地方一日有幾班機點選先為最多呢?

當然大家可以問下佢地熱線職員邊班機大機會D,佢地有時都會答你,但系求人不如求己,我就會上去Expert flyer 度睇下本身賣票情況去決定排邊班候補

呢個道理好易明,就是如果賣票已經唔夠位or 好緊張,航空公司點會放位比換機票呢?所以話如果可以就一定要睇埋佢本身賣票的情況先決定排邊班,候補得三班,要小心行事!

2. 睇下轉機 or 聯程機位
有D地方有所謂停站機,例如東京,名古屋,首爾,大阪,新加坡,紐約。呢D 轉機的航班比較少人買票坐,所以在換票情況就比較好

大家除左留意下呢D停站的航班外,大家可以睇下轉機航班。比個例子大家

當你有想換機票去東京,你一睇就一定冇位,你可以試下先飛台北再台北轉上東京,香港飛台北一日有禁多班,好多時一定有位,台北飛東京國泰航班都好多時有位,如果今日冇咪隔一日,玩埋台北一晚食個牛肉麵先可食壽司都系一個唔錯的選擇!

3. 臨近岀發會放位
網上都有人講過航空公司會多時會在岀發前放位,我的經驗話我知大約岀發前兩至三個星期,放位當然大是一定,但有得放好過冇得放!

但系一定要留意,好多時佢地都會放一至兩個位,如果你一個booking 一次過換三張,就算你排位前,因為得兩個位,你要三張都唔會確認你先

所以我的經驗系分開兩個booking,當你第一張確認左,你可以試下有冇得hold 住先,等多幾日睇下有冇放多個位先岀票


國泰金主專用
有時候國泰會在機位情況許可下放位比鑽石卡會員,佢地打過去話想要位,有時候佢地會叫賣票個邊放個位岀來,呢D情況叫追位

當然啦,人地幫你追左個位,你就一定要即時岀票,所以呢個機制千萬唔好亂用


今日講左三個換票攻略,遲D再分享多D關於換機票的心得,都系個句,每次換票情況都唔同,有位就快D搶!

This entry was posted in 其他, 觀光 and tagged , , , , , , , , , , , , , , , . Bookmark the permalink.