曼谷柏悅(Park Hyatt Bangkok) 上年10月的時間我去左曼谷過生日,我當日坐下午機飛到曼谷,到曼谷已經大約5點幾。我地就坐機場鐵路去酒店,大約30分鐘。 酒店位於 Central Embassy 裏面,樓下有有好大的商場。酒店大堂位於8樓。一入去大堂就見到曼谷的半高空景,之後會有兩個 Counter 幫客人 Check in,對面還有一個禮賓部的 Counter。 因為我用左個套房升級卷,所以已經保證有套房。之前已經知道再升級去左 Park Executives suite。上網 Check 間房已經好大!但去到前枱的時間,人地話再升級去 Diplomat Suite。吓,再升咪更大囉! 個次間房系27樓,一岀lift 就系另一面就系我地房。房的面積有成半層樓禁大(心諗,需要禁大咩) 一入門口就有一條走廊,旁邊有個好大的客廁,之後再行前有一個茶水間,裏面有個大雪櫃,水槽,成個廚房禁! 之後再行入少少就有個 L 型大廳加飯廳(好像變左睇樓團)個電視好大,飯廳位置可以系度食泰國小食同用下電腦。 再由廳行入去,有個獨立的衣帽間。雖然平時酒店都有衣帽間,但大多系同廁所相連,呢個就唔同,佢系完全獨立! 再行入 D 就系房,大床一張,有電視電話呢 D 基本野。重點講下個窗,佢系全部落地大窗一排由廳去到房,好透光好靚。 去到廁所,一向柏悅傳統,大!大浴缸大企缸一定有,兩個洗手位。呢間酒店燈光佈局幾好,白光好舒服,特別系廁所,好方便! 服務方面,泰國比人一種親切又友善的感覺,雖然可能人地未必聽得明你講咩!呢間酒店的服務水平都有 Park Hyatt 的標準,各個方面包括 Check in and out, 平時的查詢都好到位! 入住小插曲: 我包國泰班機度留低左個充電頭,返到酒店想叉電的時候先發現!我打去酒店問可唔可以幫我打去國泰有冇呢件野留低。佢好快覆翻我話搵到,現在嚿野系機場。本身諗住系走既時候先系機場拎翻,現在借住酒店充電先。點知我唔洗岀聲,佢地就問我不如幫我聽日系機場拎返來。吓,禁咪要比錢拎?佢話唔洗,因為本身酒店都要搵人去機場接機,所以可以順便拎埋返來! 呢件事真系睇得岀酒店好用心,比着其他酒店,幫你問完有就算! 因為我系 Hyatt Globalist member 所以有得包早餐,佢早餐就系佢的主餐廳 (Embassy Room)。佢地的早餐有分兩個部份,單點同自助。好多人會問,單點咩就系蛋囉,其實唔系淨蛋!佢會有D泰國特色的粉面,睇個餐牌會似普通餐廳禁。 點擊圖片放大 +2 之後我地試左佢的 Living Room 餐廳泰國菜,唔知大家有冇試過系酒店食泰國菜。我地屋企的口味唔系禁鐘意食正宗的泰國菜,覺得佢的香料味好重。反而在酒店食的泰國菜就好多時可以自己選擇辣度,香料的份量。所以我地都主要去食酒店泰國菜! 我地鐘意少辣少香料,所以味道就好岩我地口味! 酒店系會比 Globalist Member 一個叫 Happy Hour 的仼飲酒的活動,我地就選擇左系食泰菜的時候飲。有時發現飲住香檳食泰菜都幾好享受! 我今次的推介到呢度,如果大家想去曼谷不妨住呢度,可以 Relax 下,享受下! 如果大家有咩地方想我介紹都可以隨時話我知! Information: 曼谷柏悅酒店 (Park Hyatt Bangkok) Address: Central Embassy, 88 Wireless Road, Lumpini, Pathumwan, Bangkok, Bangkok Metropolitan, Thailand, 10330 Website: https://www.hyatt.com/en-US/hotel/thailand/park-hyatt-bangkok/bkkph Tel: +66 2 012 1234 Email: bangkok.park@hyatt.com