關西【TOURIST—LESS】 之旅「 一 」『 天橋立』 好多朋水或客人第一句會問: 吓..去關西,遊客仲多過景點喎! 周圍唔係講廣東話就係普通話! 其實我諗個個去過關西的主要遊客地方: 好似京都大街/主要神社….大阪(梅田)/難波/道頓堀 / 心齋橋 / 美國村…都覺得多人到嘔/迫到有點想即刻走人(以上都係客人同朋友親身經驗),有見及此,我都想介紹一D特別少少的關西地方俾大家,等大家唔好成日投訴話去日本關西都無乜好玩! 首先好明白大家,去旅行當然唔想撞口撞面都係香港人啦…咁同留係香港有乜分別?? 所以好多朋友在計劃行程時的第一個要求係”TOURIST LESS” 越少越好。但完全無遊客的地方,其實係有難度的,始終都會有當地本土遊客周圍去旅行的。 今次我想先介紹一個位於京都以北的宮津市叫『天橋立』(AMANOHASHIDATE)。我自己就覺得係一個挺舒服同靚的好地方。一到車站感覺係一個經過悉心設計的小車站,一出外面就見到有TOURIST INFORMATION CENTER,如果大家唔識搭車就可以係到問一下。街頭兩邊都有好多古色古香的老店舖。可以一邊行下一邊買下手信,大概從車站右邊一直行5分鐘就會見到有CABLE CAR可以上天橋立的「VIEW LAND」。如果你有JR PASS就可以用優惠價[700YEN]買來回車票。 我建議大家可以坐Monorail上而再坐Chaircar落番嚟,因為可以見到天橋立的全景呀! 上到去其實有好多娛樂岩一家大細玩架。摩天輪/空中單車/旋轉木馬…. 但大家上到嚟有兩樣嘢係必需要做的。 1) 行上去最高點的飛龍觀迴廊到睇天橋立的全景 2) 記得記得彎腰從褲襠中間望出去「飛龍觀」絕景 大家應該會感受得到飛龍在天的感覺。關西其實都仲有好多地方值得去的,當然如果可以去到D地方係TOURIST LESS IS PERFECT …啦..! 點擊圖片放大 +2 大家睇相時,也可以試下彎腰從褲襠中咁睇一下,可以試一下會不會感受到一樣的「飛龍在天」又或係「龍游淺水」的感覺呢? 咁可以點去?? 火車: 大阪➞福知山➞天橋立 (2.5hr) 京都➞福知山➞天橋立 (2hr) 詳細資料: http://www.viewland.jp/ 如果想玩得特別,又唔想左PLAN 右PLAN 的話,可以搵我地幫手計劃一下。 匠心の旅 Travel Plan Ahead