ときわ公園 【日本紅爆公園】 【記得入去睇晒D 靚相呀!】! 你可能會問公園咋…有乜好玩有乜好介紹呀? 點爆紅發呀…?? 我可以係到大大聲聲咁講,此公園不同彼公園!! 咁有乜咁好玩….大家跟住嚟睇下咪知囉…!!! 『免費入園:』 一聽到免費呢兩毎字,你可能會覺得免費就一定唔係好嘢啦….! 錯錯錯…!!! 日本公園好多時都係免費入場的,但入到去就會按個別人士的喜好而去參加自費活動。其實咁都比較公平,因為好多時其實都唔係個個活動都岩大家玩。 『蒸汽火車(D51 18號):』 一入到公園正門向左轉,步行一陣就會見到一輛歷史的蒸汽火車(D51 18號),如果係火車迷就唔好放過係到影幾張靚相吧 『無敵360度的觀景台:』 轉左一直行就會見到石炭記念館,去了解一下石炭之餘,記得坐電梯上去觀景台亨受一個360度的山口県宇部市的美景。上到嚟只係..嘩..嘩…嘩..!!! 點擊圖片放大 +2 『UBEビエンナーレ (現代日本彫刻展)』 繼續行入公園,見到好多季節性的花花草草外,你會見到一個個係公園入面又幾層樓咁高的日本彫刻作品,放係公園入面,感覺沒有格格不入,反而好像融合入係大自然中。其中橙紅色的作品”蟻之城” 令我印象最為深刻的。 點擊圖片放大 『植物館:』 如果同小朋友嚟的話,可以入去植物館到參觀一下世界各地的奇珍異木, 不懂日語的也有不同語言的聲音導航,入園費為300円。 『小型TEAMLAB:』(可看VIDEO 介紹) 如果大家有去過台場的TEAMLAB,呢個規模係比較少的,而家就係玩文字....大家有時間可以同小朋友入去捉下文字,食下落肚。其實都幾有趣架…費用為300円。 『湖中的神社 (千與千尋取景地?)』 當我第一眼見到一條日本紅色拱橋所連接的神社,第一時間就諗係千與千尋第一幕誤闖入去另一個神秘地方的一座紅色拱橋,大家又覺得似嗎? 『性價比 ”超” 高的和牛LUNCH SET』 玩到肚餓一家大細都要醫肚,推薦園內一間燒肉店叫”BON BON”。140g的和牛SET再加埋白飯, SALAD (2000円左右)就可以埋單。出面食一個和牛餐都唔止啦! 肯定食得飽飽,如果仲唔夠可以加多一個DESSERT,又或都大家係牛牛FANS 就可以ORDER 200g的和牛 SET。性價比超高。 點擊圖片放大 睇完係唔係好想去呀? 其實小朋友仲未放夠電,可以同佢去埋動物園和 AMUSEMENT PARK。可以玩足一日先回歸。我就肯定會介紹俾客人,自己都想去多一次。 咁點去呢? ~係新山口駅坐巴士,係公園門口下車(30分鐘左右) ~又或坐火車到常盤駅下車步行15分鐘 ,常盤駅係一個無人無敵海景車站(有時間的話,建議坐火車慢遊) ~開車有停車場提供 4小時都係400円(象徵性收費吧!) 跟得我玩就緊係玩D特別D既日本地方啦….!!! Video: https://youtu.be/8I5fEOvsR48 唔經唔覺係UBLOG已經發表咗成"100" 篇文章了,TIME FLIES....希望大家繼續多多支持。 匠心の旅 Travel Plan Ahead