山口縣湯田溫泉『每日噴出”2000”噸泉水』尋找【白狐踪跡】 一出到湯田溫泉駅, 第一個打卡位……就係一隻超級″巨大白狐狸”,超碼有三四個人咁高啦..! 係附近見到有人坐咗係到好似好舒服咁,大家估唔估到佢地做緊乜呢? 無錯…就係享受緊足湯啦…. 其實如果行咗成日,係到浸番15分鐘,對腳都無咁酸。不過可以選擇係回程時先慢慢享受一下。 如果大家同小朋友一齊的話,可以先行前,係井上公園到同小朋友放下電。滑梯都係以白狐為主題的。其實係井上公園都月足湯可以浸一浸的。 在行前少少街口轉右就可以見到觀光案內所(即係我地所叫的INFORMATION CENTER),係之前就有一個飲用泉,大家可以裝少少水嚟飲下架。 飲下溫泉水人都健康D啦。 再講多少少資料俾大家知,泉質就係無色透明鹼性單純泉有助去除疲勞。 每日有成2000噸天然溫泉水湧出來….勁呀! 俾個小TIPS 大家啦! 自備一條小毛巾可以用嚟整乾對腳用 (足湯後)。 自備一個保溫瓶用嚟裝可飲用的泉水。 可以係到住番一晚享受一泊兩食的樂趣。 匠心の旅 Travel Plan Ahead