秋意濃,攀山去 ~【津山奥津渓谷】! 去日本旅行,除咗去SHOPPING 享受溫泉樂之外,呢個天高氣爽的季節其實仲有一個挺好的活動就係行下山啦…! 剛到日本岡山出差好幾天,唔知大家對岡山認識又有幾多呢? 大家可能會記得香噴噴擁有好迷人身材的岡山水蜜桃。但季節就剛剛咗,我自己今次反而嘗試咗另一種水果,柿子也是一試難忘。 好…先講番行山先,岡山呢個季節實在好多地方可以慢慢遊山玩水,重點係行山之餘,仲可以見到秋天的美景------紅葉和杏樹(果種紅黃綠再加上藍天白雲呢個配搭)會係一個絶配! 今次去行山及兼睇紅葉既地方,小弟就選擇咗”津山奥津渓谷”。 點擊圖片放大 +5 火車由岡山到津山火車站大概1小時15分鐘左右。係津山站(西)再轉巴士大概1小時就可以到達奥津渓谷,其實係巴士沿途上都可以見到紅葉的美景。你可能問點解唔開車呀? 因為當紅葉滿開時,好多地方都有限車進入的小規定,開車的可能要泊到無雷公咁遠的停車場,所以可以的話,由其是周末大家不妨也轉坐公共交通工具吧! 一落車慢慢沿山行,大家可以見到好靚的山溪再加上微風擺動的紅葉,心情馬上放鬆下來,再加上清新的大自然空氣….人都馬上精神百倍。 途中見到一間隱世的溫泉” 般若寺溫泉”,可以見到當地好多客人也無名而來! 唔知大家有無睇過以前張國榮果套<<倩女幽魂>>都有提及[ 般若寺],如果大家夜晚晚嚟可能都會好似寧采臣咁見到靚曝鏡的聶小倩吧! 但大家敬請預約!! 行到半路見到賣熱辣辣的紅豆餅,涼涼地又行到有少少餓,最緊要係香噴噴的香味,沒有可能唔買番個醫下個肚吧…… 沿途風景真係好正,好似周星馳的九品芝麻官皇帝出遊見到如煙一幕,講咗 一句”靚到『揼』『揼』『揼』!.... 大家如果會係11月份去岡山的話不妨去津山奥津渓谷行一趟吧! 如果時間許可之下,可以去奧津溫泉到住返一晚。 匠心の旅 Travel Plan Ahead