【日本捐窿捐罅】FRUIT PARK 豪華露營 + 親子水果樂園 近排成日都聽到朋友講假期要同小朋友一齊去露營呀! 呢種潮流唔知由幾時開始又興起! 無論係香港又好,甚至日本都好! 好多朋友都覺得係一種幾好的親子活動。襯住假日和小朋友到郊外走走,吸下新鮮空氣好過係屋企對住四面牆唔係打機就對住部電話。我都覺得係一種幾好和小朋友互動的親子樂。 但明白到大家平日工作都幾忙,要自己準備定一些露營的必須品可能真係比較難,有見及此,為咗大家方便,豪華露營既出現就好適合繁忙的都市人。 豪華露營有乜好? 一句講晒: 乜都唔駛準備,拍拍屁股就可以去露營! 一站式服務: 棉花帳篷(不同帳篷任君選擇)、牀上用品、電熱水煲、雪櫃、燒烤爐、椅桌、風扇 包括早晚餐 (當然唔同PACKAGE就會有所不同啦) 點擊圖片放大 ""當然我介紹得的就唔止咁簡單啦!!"" 唔只可以一家人走去露營同玩得舒適咁簡單,仲可以去埋隔離的果園和小朋友一齊親自摘一下生果。無聽錯!因為呢個CAMPSITE就係正FRUIT PARK 裡面, 應該可放足一日電!!:) 喺唔同季節有唔同生果等住大家(5月就緊係去摘一下香甜的士多卑利(草苺)啦,6月7月就水蜜桃) ,通常都係以特定時間內放題型式,即係限時任摘任食! 當然大家仲可以用起抵價錢買返少少返屋企。 話埋俾大家知,如果訂了豪華露營還會包埋果園入場費的。但摘水果放題的話就要另外收費! 好岩一家大細係暑假玩足一整天的好地方! 提提大家,洗白白地方喺係一個高濃度炭酸泉大浴池。係無私人洗白白的地方。但去得玩CAMPING就應該唔會諗住有私人大浴池掛? ....哈哈 點擊圖片放大 +2 高濃度炭酸泉去疲勞係一流選擇! 有一個咁十全十美的設施水果園,真係諗唔到有乜理由唔去! Video: https://youtu.be/j4TJNlfh7Nc 詳細資料可以CLICK入去慢慢研究一下: http://www.tokinosumika.com/hamamatsufp/ 如果有朋友準備今個暑假出發去名古屋,記得SHARE俾佢地知呀! 點擊圖片放大 匠心の旅 Travel Plan Ahead