自由行還是跟鸭仔團? 前排食飯,朋友問到究竟我俾到的SERVICE同跟(鸭仔)團有乜唔同? 我諗首先要知道有D乜自由行可以做到鸭仔團做唔到呢? 自由度: 鸭仔團好多地方都係固定咗,基本上一定要跟住佢的安排(除非自己離團啦啦!)去邊你就要去邊,如果有D地方已經去過N次的,你就會覺得非常之悶。但有時一家大細連貓連狗,自己又唔想諗其實都係不錯選擇。自由行就要由開始自己買機票開始計劃一個行程,左搵右搵,最慘係攪完一大論後,你另一半同朋友意見多多,吃力不討好。但自己想去邊自己就安排去邊,自由度挺大的。 方便度: 鸭仔團有專車跟出跟入,完全唔駛諗點樣去。跟住導遊的時間返回集合點便可。自由行的話,如果開車其實都幾方便,但始終都要自己計劃好行程才行,人生路不熟有時行錯路都會少不免了。如果唔開車採用公共交通工具的話,就要事前CHECK 好時間,如果有時預到班次唔多的巴士時,都幾頭痕架。 彈性度: 鸭仔團的彈性度係接近零,有時因為天氣問題去唔到一D景點,因為時間緊迫,可能要取消。有時天氣唔好都要照去,結果乜都睇唔到,只係食風食雨。自由行相對彈性度比較高,今日如果去唔到可以轉到第二日,也能隨時更改行程。 咁講返轉頭,我個SERVICE 咪係綜合咗以上既優點囉…哈哈! 講俾我地知你個行程想點玩,我地就會開始給你計劃。細心度都幾高架(如果用過我地服務的朋友們就知道啦)。夠自由夠彈性又夠方便(有時都會有SURPRISE架) ,起碼唔駛自己由零開始咁計劃啦! 我成日都話時間就係金錢,用計劃的時間去賺多個錢好過啦! 現實點講一下價錢,而家跟團的小費也要每日HKD120一位。如果你一家4口去5日日本的話,都要HKD2400埋單(未計所謂自費活動)。酒店同景點又無得擇,所以計計下係唔係咁化算呢? 就見仁見智啦! 而家我地仲做緊PROMOTION,一家大細(4人) 都係收HKD200一日計劃費。去5日日本的計劃費也不過是HKD1000左右。其實心水清的朋友都知好扺玩啦。咁如果你想我幫埋你BOOK 酒店就會收番少少SERVICE CHARGE,但價錢也想當合理的。 重點係真係按你喜好嚟計劃,通常計劃中也會安排有些秘景或季節性景點俾大家的。 所以才叫做”匠心之旅” 跟鸭仔團唔好? 我又唔覺得係,都係果句,每個人需要都唔同。但有機會也不妨試下我地的服務吧!! 秘景行: 相係<<与論ヨロン島>> 影的!! 匠心の旅 Travel Plan Ahead