♥根島 出雲 <<住宿編>> ♥ 其實係出雲大社駅前就有好多傳統的日本旅館,每一間都有它們的特色。 係唔係有點廢話? 哈哈 今次我會介紹一間距離車站大約步行5分鐘的旅館(要上一段小斜路架) ,就係出雲大社附近(步行距離1 分鐘),因為真係好想試試感受一下眾神所居住的地方,吸收一下靈氣都好呀! 1) 房間: 間旅館叫”すたに“ 一間幾傳統的日本旅館。由江戶時代起已經開始經營,超過了200年歷史,現在已經係去到第7代主人去打理了。每間房間都會看到一個日本式的庭園,打理得井井有條。再加上房間內的傳統佈置、大家可以深深感受到日式傳統旅館的一面,再者,每間房間名字也是用歳寒三友如:松、梅、竹等等來明名,感覺上更加傳統。只有10間房,全部都係和室設計的。 點擊圖片放大 +2 2) 食物: 晚餐會席料理係採用當地最新鮮的食材,海鮮之類等等。 早餐就以日本式早餐為主! 但好好食,我呢種日本飯怪,當日就掃晒枱面所有的食物加三大碗日本白飯。 但係人都知我食嘢都幾有要求架…可以想像食材安排真的不錯。 3) 價錢: 十分貼地及合理,每人概800HKD~1000HKD(二食一泊) 有客人及朋友問點解我成日可以搵到D咁正的旅館??? 因為我永遠只會係旅館的網頁訂住宿的、又或打電話及用EMAIL去訂的。 重點係我知道每個行程需要什麼、訂邊種旅館最適合自己的STYLE。 好少會係什麼酒店.COM來訂日本酒店的。 4) 設備: 因為係傳統的日本旅館,沖涼及洗手間就要共用了。沖涼就在大浴池(細細間啦) 洗手間就要同人SHARE架。不過,唔駛擔心衞生方面的問題。真係乾淨到呢你唔信。(我去當日就只有我一個住客) 旅館主人還說果晚我包晒全間旅館。鍾意點就點喎...哈哈 點擊圖片放大 我自己都幾鍾意呢間旅館,勝在旅館主人夠NICE,又夠舒服無乜遊客(及一出去就能去到出雲大社呀!) 旅館地址如下: https://www.gambo-ad.com/hotel/foods.php?ar=7&id=65 我自己就極力推薦啦!! 想知多點詳情就隨時搵我啦!! 匠心の旅 Travel Plan Ahead P.S 其實我住得或安排得的又點會唔好??? 大家咪玩啦!! :)