ITE (香港國際旅遊展) 新潟 好介紹 (香港人新旅行玩法) “ 越後妻有里山現代美術館” CAFE SHOP 香港國際旅遊展已經曲終人散。昨日大家有沒有去灣仔會展到親下熱鬧呀? 其實只係得兩日星期六及日係開放俾PUBLIC,都諗住大家呢排掛住睇世界杯無乜時間過來睇下有乜特別旅行優惠架啦,點知仍然人頭湧湧,擠得水洩不通,熱鬧非常呀! 如果尋日有來到旅展又經過新潟(NIIGATA)呢個攤位的話,一定有見到一個著住黃色T-SHIRT 斯斯文文的係個攤位前面落力拉客的小伙子。其實搵我介紹NIIGATA的原因係因為我真係去過實地考察過呢個地方有乜適合香港人去玩。靚景實在多不勝數。如果尋日怕人多又唔想同人去迫錯過咗一些新潟好介紹,係到就推介返我認為都幾吸引及必去的景點又或大型節慶及項目俾大家啦!! 係介紹之前其實呢兩日係ITE到發現咗香港人對去日本的要求模式起咗個幾大改變。 FLEXIBLE|可以自由撑控,自由行型式為主導 OPEN-MINDED|唔介意山旮旯地方|最緊要夠特別 CUSTOMIZED|要根據不同實際需要來規劃旅程 UNIQUE |追求一些特別的景點 SATISFIED|日本大城市已經再不能滿足 大家其實可以諗下自己的旅行模式係唔係好似我所講的一樣?? 靜靜地起了革命? 好返番轉頭,先介紹幾個新澙好玩地方吧! 1) 長岡花火祭り 長岡まつり係8月1日至3日有個幾盛大的花火大會,屆時會有發放20,000 顆煙花 ,發放時間為1個小時40分鐘,可想像到呢個花火大會係一個好大型花火活動。咁除咗煙花之外,還有其他活動一齊配合架! 悠久太鼓,水上祈福燈籠, 傳統大型巡遊等等…唔去就走寶, 著埋浴衣就能錦上添花…..美!! 詳細內容可以CLICK 入去看看! http://nagaokamatsuri.com/gyouji.html 而家JAL 做緊一個幾吸引的PACKAGE 呀 包一晚酒店連指定席看台睇花火呀。有興趣可以自己去問一下吧! http://www.jalselect.com.hk/main/ 2) 越後妻有大地藝術祭 喜歡藝術的香港人其實可以考慮去參觀呢個藝術祭,三年一度的藝術祭從2018年7月29日〜9月17日期間進行,每個展覽館都有唔同的主題 喜歡草間彌生的要去,喜歡大自然本土藝術的要去,想去享受大自然HEA下的都要去。我之前到過其中一間 “ 越後妻有里山現代美術館” 佢個設計融合咗大自然會俾到你一種好自然好舒服的感覺。 詳"情可以CLICK 入去看看: http://www.echigo-tsumari.jp/triennale2018/ 3) 越後妻有鉄人之旅 每年NIIGATA都會舉辦呢一項盛事,去年就有40位香港人過咗去玩呢個活動。今年都唔例外,希望可以多D香港人一齊過去玩所以有個幾好的PACKAGE介紹俾大家。 咁個PACKAGE包D乜呢由東京(新宿)接送到新潟的酒店(唔駛自己煩去轉車事宜) 酒店包兩晚住宿(早晚餐),稲米收割臉體驗完成活動後有紀念狀及NIIGATA(2KG)的米一包(係人都知新潟出名係米) 咁有乜好玩? 鍾意刺激的香港人 你可以有機會玩晒三樣活動 激流|踩單車|行山 沿途風景得一個字嚟形容 “正” 喜歡戶外運動的你又喜歡挑戰的你 唔好錯過呀!! 有興趣朋友可以MESSAGE 我呀! 仲有佢個時間好PERFECT 係9月29日(SAT)及30日(SUN) 再加10月1 日國慶又唔駛煩請多一日ANNUAL LEAVES 仲可以考慮係新潟玩多兩日,一舉兩得啦!! 小TIPS: 讀音: 還提一提大家呢個字”潟”係讀個”適”音唔好再讀錯”寫”啦! 交通: 而家去NIIGATA 仲未有直航架 要由東京坐新幹線去到新潟站架需時2.5個小時左右!! 所以建議購買JR 長野/新潟PASS 抵玩好多架!! 當然唔想煩的朋友們 隨時搵我做一個特別的旅劃吧!! 匠心の旅 Travel Plan Ahead