淡路島( AWAJI ISLAND) (正面的SCUOLA) 今次好榮幸被一間日本企業邀請去參觀一個日本少為人知的地方,呢個地方就係淡路島。 呢個小島(其實都唔細有成個新加坡咁大架) 其實喺位於兵庫県比較接近神戶(在神戶開車過去也不用30分鐘) 係一個渡假新天堂。今次參觀的主要是圍繞在北部的淡路島。去到就只有一個字來形容 “靚”。一個水平線的大海加上無敵日落。唔去就只係你自己的損失。 今次想先介紹一間餐廳叫”SCUOLA”呢間餐廳其實係又一所舊有的小學重建而成。係2010年之前,淡路島其實還有大約十五或十六間學校給當地居民作上學用途,但島上人口越來越少,學校空置率越來越多。島上的居民需求量日漸減少。當地政府有見及此,為咗鼓勵年青一代能夠回流工作,所以和不同的企業重新規劃島上的設施從而吸引更多遊客來參觀而帶動經濟。而我所講的SCUOLA便是由一所舊學校重建出來的獨特餐廳了。 餐廳分為三層: 第一層 係一間西式餐廳 及可以給你買到當地手信的精緻小店。 第二層 係一間由山形名店請回來的意大利名廚叫”奧田政行”主打意大利菜。聽聞如果要在他之前的山形店到訂位也要在三個多月前才行呀。好多餐具也是特意從意大利訂回來的。 點擊圖片放大 第三層 仍然保留著以前學校的課室,其中一間是給父母在一樓SHOPPING 時暫托管服務。周六及周日也會提供BBQ服務給大家的。 點擊圖片放大 價錢方便: 係第一層的西餐廳也是1500JPN (110HKD~) 係第二層的意大利餐廳的午餐也大概2500JPN(180HKD~), 而係第三層的BBQ SET也是由2500JPN ~4500JPN(180HKD ~320HKD) 已經包了最有名的洋蔥及淡路和牛了。 必食食材: 淡路島洋蔥 (甜到佢…好似食緊新鮮日本生果咁) 淡路島和牛 (咪仲傻下傻下去神戶食俾人賺一畢吧!!) 明日會介紹另一個景點俾大家, 好適合一家大細去玩的。 如果暑假還沒有諗定去邊的話,可以考慮一下去呢個靚到無敵的小島。 又想輕鬆出發,又唔想花時間去計劃的話,隨時搵我幫手計劃吧!! 短短3個月已經過了9000的點擊率,多謝及感激大家支持! TRAVEL PLAN AHEAD => 有興趣的朋友可以去FOLLOW 版主的FB 或IG FB link: https://www.facebook.com/travelplanahead/ IG link: https://www.instagram.com/travelplanahead/