男人的浪漫 呢排香港好熱下,日日都幾乎三十幾度,如果要穿西裝加打領太的上班一族真的叫苦連天。如果開車上班及總是能躲在辦公室裡工作的一群還可,萬一要出外見客的其實也頗為辛苦。 有一個客人打算去東京旅行,希望版主幫忙計劃計劃一下,基本上在最後一天 也是去SHOPPING為主,原因是這位客人應該也是愛SHOP的人。但差不多在上機前一晚,客人的老公,大家無睇錯,他發了一個MESSENGE 過嚟,最開始版主還在想是邊位客人呢….但睇睇下內容就好快發現到是愛SHOPPING的那位了。 他在問版主如果我老婆係東京到SHOPPING”6個小時” 我又唔想陪佢一齊,我有乜好做??? 從佢語氣看來,他真的不想做一個” 等一個人的咖啡”=> 呆等的人….哈哈。所以版主推薦了一個地方俾佢慢慢SHOPPING 但又不會遠離老婆大人太遠的地方。 你可能會估緊係去秋葉原啦…..錯晒…..即係咁….天時暑熱,你估行秋葉原你真係覺得特別爽咩,從坐火車由新宿/渉谷去到秋葉原也要30分鐘。好似版主比較熟路也要20分鐘才能到啦,一陣老婆急CALL ,又要佢再等多30分鐘,我諗唔發火都幾難。一陣佢金手指同佢老婆講係我叫佢咁做,個客肯定即刻打嚟搵我發洩一下。所以我最後介紹一個幾好的SHOPPING地方俾佢。 就係 東急ハンズ (TOKYU HANDS) https://hands.net/ 你可能會講上海同新加坡都有啦….要乜老遠去朝拜呀! 因為他們實在差太遠了。 先講SIZE,日本的新宿及渉谷店係成座SHOPPING MALL 有7至8層,相反上海及新加坡就細到無得比啦! 再說貨品種類….睇個SIZE就已經知差太遠了。日本那店真的什麼新奇有趣的東西也有得買,大至一個傢俱,小至一張小小的文具貼紙也能買到。還有很多日本特別版只在本土發售的小玩意。 版主之前就發現咗一個吸塵蟎貼,按佢表示只要按照床的SIZE大少就採用唔同的大小貼子放在床褥下面。每3個月換一張。佢話塵蟎會自然走過去同會被吸吮住。佢有同而家好多聲稱可以吸蟎的吸塵機作比較。如果你日日吸的話,效果真的比吸蟎貼的好。但如果你有一日忘記去吸的話,塵蟎比例真的比用吸蟎貼的多。因為重點是你每日其實把大部分塵蟎都吸到床褥表面去了。聰明的你應該明白我說什麼吧! 好似版主比較懶惰的人,一張貼可以減低塵蟎 又唔駛自己日日要回家吸塵蟎的人來說是一個大喜訊啦! 總之裡面大把新奇好玩的小玩意值得去研究的。版主可以逗留三個小時,當朋友說不如分開行時,版主一定走去朝聖一下。尤其是夏天,又有冷氣又有嘢玩,好過四圍行啦! 最重要係位於新宿/渉谷站附近 又唔怕同女朋友/老婆/朋友分開得太遠,佢行PARCOS/101 你咪走去行TOKYU HANDS …起碼唔駛好似其他男人咁係到等等等啦! 當然行到累就去附近的CAFÉ SHOP 到HEA下啦! 當女士們享受緊SHOPPING的樂趣時,不妨學版主去感受一下男人的浪漫吧!! P.S(當然版主歡迎女士們也可以一起去看看感受一下啦!!) TRAVEL PLAN AHEAD https://www.facebook.com/travelplanahead/