CP值超高肥美海鮮市場【新潟寺泊】 【魚のアメ横】

CP值超高肥美海鮮市場【新潟寺泊】 【魚のアメ横】

去到新潟無可能唔食海鮮,因為CP 值真係超高,好抵食! 咁你可能會問去到有乜好介紹係必食呢?

1) 必食紅楚蟹 (ズワイガニ)
冬天去到無可能唔食紅楚蟹,個樣可能覺得瘦瘦地,但食落就知夠鮮味,海水味濃…..推薦食法: 囉佢D 蟹糕嚟撈新潟白飯,簡直係天下絕配,而8隻腳就慢慢拆肉。再食埋佢蟹身既肉,建議真係坐定定慢慢食,個人經驗係要食起碼一個鐘架…..

2) 金目鯛
好多人都知道金目鯛係香港食都幾貴,正正常常都800HKD 起錶。但喺呢到一半價錢就食到了。就算普通的大鯛魚都好正好好食,厚切加少少鼓油,食落爽甜,好有咬口。

3) 甘エビ 甜蝦
新鮮晶瑩通透藍色既蝦子,再加上鮮甜又彈牙蝦肉,無論做SASHIMI或磯燒都好好食。

如果懶懶地又想食得放少少既話,可以考慮係到住番一晚,附近都有好多家庭式溫泉旅館,一泊兩食,浸浸溫泉又可以睇到好靚日落。其實都係唔錯既選擇。

點去:
新潟→長岡 (新幹線22分鐘/普通火車大概1小時15分鐘左右)再要轉越後交通巴士(1小時)

小秘密:
係到講個秘密俾大家知,我地係旅館食晚餐差唔多食咗2個半鐘….攪到人地都有意無意咁叫我地快D食完,但個餐真係太豐富,好似食極都食唔完咁,最後大家都抱住個肚慢慢行番上房。

第二朝,其實朝早都好大風雨再加上雨雪,本來諗住唔行市場就走,不過最後見到停咗雨,大家就出咗去行咗個圈,呢個世界就係好得意,有人話有得必有失,我就反而覺得喺有失必有得….

雖然大風雨攪到無得慢慢掃街食海鮮,但又俾大家搵到一間小藥店可以俾大家掃掃口罩。去旅行都係想玩得開心,所以我都經常同客人講,有時有個小插曲都未必唔係一件好事,隨遇而安….THINK IT POSITIVE。大家自然會有個愉快旅程。

匠心の旅 Travel Plan Ahead

This entry was posted in 住宿, 其他, 外遊美食, 日本, 自駕遊, 觀光, 購物 and tagged , , , , , , , , , , , , , , , , , , , , , . Bookmark the permalink.

6 Responses to CP值超高肥美海鮮市場【新潟寺泊】 【魚のアメ横】
  1. Wanna go and enjoy Seafood over there!

    Pretty nice sunset too..:)

  2. chrisbobo78 says:

    好正呀…好吸引呀…流晒口水啦…救命呀…

    好乞人憎呀…..但我鐘意….哈哈

    謝謝分享! :)

  3. So soso…yummy…god…!!

    We must visit there!

    Thank you for your sharing!

    :)

Comments are closed.