融合自然與藝術—-新潟【農舞台】

融合自然與藝術—-新潟【農舞台】

今日係2月14日情人節,首先祝各位朋友繼續 “SWEET SWEET”。深明大家呢排因為武漢肺炎好多時都要”被”屈係屋企,有小朋友既還要做埋老師果份,日日一齊做ONLINE功課,血都嘔唔少。所以今日想喺呢到介紹一個挺舒服充滿大自然正能量氣息既藝術館俾大家——-農舞台。

位於新潟『まつだい』既【農舞台】唔知大家有無去過或聽過?融合咗城市同鄉農為主題, 目的就係希望能 透過美食、活動同不同體驗,從藝術中傳遞天然資源既MESSAGE俾大家, 等大家可以體驗雪國農業文化。

【花咲ける妻有】
其實大家一落火車就會見到一座好色彩繽紛的藝術品,就係由日本藝術家『草間彌生』所創作的【花咲ける妻有】。我相信大家對『草間彌生』一D都唔會陌生。喺唔同季節去欣賞佢既作品,感覺真係完全不同。在茫茫白雪既襯托下,【花咲ける妻有】 感覺特別有生氣,好似隻巨獸等緊初春來一樣,不斷向上爭扎求存。

【農舞台藝術館】
沿住車站慢慢行入去,喺2樓就係展覽館、大家可以入去四圍睇下,可以了解一下就算係咁大雪既環境下當地居民點樣去開發棚田嚟種米,以前成千年前點樣和大自然搏鬥同生存。因為據了解其實呢個地方係全日本積雪最高既地方,所以大家可以想像得到係到生活絕對唔係一件容易的事情。

【任畫教室】
大家記得要入去佢嗰個課室,你可能會問有乜咁特別呀??..都係課室一個?? 特別在到到都可以用粉筆任畫架…大家可以盡情發洩,將自己不滿可以盡情寫出嚟,一定唔會有人秋後算帳..:)..再加上落地大玻璃,可以望到外面好靚白雪(POWER SNOW)美景,真係好想係到讀下書,日日望住個靚景人都醒D。

【謎之門洗手間】
跟住當然要入去睇佢個洗手間啦……一個謎之門洗手間….當完成大大小小之後,有99%既人肯定會搵錯門番出去…..哈哈…好得意..!

【食個飯, HEA一下】
如果大家有時間就可以係到食埋個LUNCH,星期六日就係BUFFET 平時係SET LUNCH,望住個靚景,山光水色一邊享受大自然食材一邊再飲一杯親手沖泡熱紅茶。人生一大樂事也。

點去:
電車:新潟駅ー>まつだい駅(2時間)再徒步5分鐘…

藝術館入場費用:
500円

當然想玩得特別D,可以搵我地計劃行程!

HAPPY VALETINE”S DAY!

匠心の旅 Travel Plan Ahead

This entry was posted in 其他, 博物館, 外遊美食, 文化遺產, 日本, 自駕遊, 藝術文化, 觀光 and tagged , , , , , , , , , , , , , , , . Bookmark the permalink.

2 Responses to 融合自然與藝術—-新潟【農舞台】
  1. So stunning snow view!

    Really wanna go!

    Thank you for your sharing!

    Stay well and healthy!

    :)

Comments are closed.