新潟 『米之鄉』 【初雪下の棚田】

新潟 『米之鄉』 【初雪下の棚田】

喺人都知道新潟米正,通常我都會叫團友仔買番一兩包(1至2KG)新潟米番香港,因為好多時新潟米只會做內銷,係海外就算係一D大型既日本超市都比較難買到。

咁有米出產當然就會有種植地方啦..所以好多朋友嚟到新潟如果識玩都會去睇一下棚田。沿山而種既稻田,大小不一既田地﹐再加上沿山一層層咁開墾,形狀不規則稻田,凹凸不平。層次分明,睇落去好似一幅幅山水畫一樣,融合自然美學於一生。

【冬天美景】:
如果選擇冬天去既話,正當稻田上既水還未結冰又或未俾大風雪完全所覆蓋時,應該係會最靚。所以當初雪飄下時,棚田風景會更多淒美。

你可能會問咁多棚田?應該去邊個好?
我覺得可以睇下自己就唔就腳,同車程點安排。當然如果自己自駕遊就比較方便,可以去一D特別少少的棚田,但如果要坐巴士的話,就自己預一預時間。
其中【星峠の棚田】就係被全日本網民排行NO.1 最美既棚田。但跟得我去玩,就當然要玩得LOCAL 少少。按住 “天時地利人和”計算…(風水師傅上身..哈哈),我地就帶咗團友們去咗另一個棚田—–『儀明棚田』。

岩岩果幾日開始落雪,無錯大家無聽錯,今年新潟雪降量真係創咗好多年新低紀錄。但係有時就係咁,大家先見到初雪下既棚田。真係好靚下。再加上茫茫白雪下,大家見到純白色既棚田又係另一種味道。 如果世界上真係存在雪女,會唔會因為佢而將好靚既棚田吹上一片片既飄雪,等大家可以係冬天唔好咁悶,可以慢慢欣賞呢個自然美景呢??

同行小TIPS:
如果前果幾日或當日大風雪,我覺得大家就無謂浪費時間去睇! 因為你只係會見到一堆白雪,乜都睇唔到,呢個就係我第一次到訪新潟棚田既小經歷。

video:

https://www.facebook.com/343283029484635/posts/814195985726668/?sfnsn=mo&d=n&vh=e

當然如果想玩得特別,又唔想左諗右諗,可以搵我地幫手計劃行程吧!

匠心の旅 Travel Plan Ahead

This entry was posted in 其他, 日本, 自駕遊, 觀光 and tagged , , , , , , , , , , , , , , , , . Bookmark the permalink.

One Response to 新潟 『米之鄉』 【初雪下の棚田】
  1. Super stunning view …lol

    You are so lucky ….!

    We love your post!

    Cheers,:)

Comments are closed.