關西TOURISTーLESS 之旅「二」『日本大澳』【伊根町舟屋】 關西其實都仲有好多好多值得大家去花時間參觀的地方。所以大家唔駛咁快下定論話關西咁鬼多旅客,有D似去咗旅行但實在又好似無去旅行的感覺。 今次一連幾個介紹都希望發掘一些關西新景點俾大家。當然做我客人係最幸福啦! 好多已經先一睹為快,去咗一些好特別的關西景點! 今次好想介紹一個位於京都府北部、丹後半島北端位置的一個地方叫伊根町,又稱舟屋。 你可能會問點解第二擊會選擇呢個地方介紹俾大家呢? 因為你只要係天橋立駅坐55分鐘巴士左右就到。所以大家喺可以一日玩晒兩個地方的。 咁你可能又會問搭成55分鐘巴士又乜好睇呢? 我可以用四個字嚟形容就係『日本大澳』。 一落到巴士,遠望出去就見到一排排的舟屋,每間都沿海邊建造小木屋好有特色! 建議大家可以沿海邊慢慢行下,影下相。 我自己都幾喜歡那種寧靜的感覺,小小漁村加上當地居民有禮兼純樸。 點擊圖片放大 行到半路可以到CAFÉ店到坐坐,吃一口蛋榚,再望望好有特色的舟屋聽聽海浪聲,好治癒的旅程。行到肚餓的話,可以喺巴士落車附近的舟屋食堂食個魚定食,「1500 至2000」YEN左右,任君記選擇! 點擊圖片放大 ➞咁可以點去呢? 喺天橋立駅一出門口就有巴士站,大概每小時一班..945/1050/1140/1250/1343/1450/1553/1726……2013,詳細資料可以喺天橋立駅的INFORMATION CENTER到會提供BUS TIMETABLE的,所以不用太擔心。 如果大家想去遊下船河的話,就要喺”伊根灣ぬぐり日出“到落車,收費為成人800YEN 小童400YEN 約25分鐘船程(每00及30分出發)由 9點至4點。如果散策的話,就要遟兩個巴士站係伊根到落車啦… 如果由伊根灣ぬぐり日出行過去伊根大概需要30分鐘左右。 巴士回程由伊根分別為12:30/13:30/14:30/15:30/16:30/17:20,所以大家就要留意一下時間啦…. 巴士車資: 「400YEN」 一程 其實真係一個好治癒的日本大澳,一個曾評為「日本で最も美しい漁村」 無理由唔去的! 下次都會考慮住番一晚都係個挺特別的一個關西新體驗。 都係果句,想玩得特別一點就搵我地幫手計劃行程吧。 匠心の旅 Travel Plan Ahead