【大洗磯前神社 神磯の鳥居】『2020第一道晨曦曙光』 首先同大家講句新年快樂呀! 希望大家係2020 有一個好的開始!! 唔知大家又知唔知日本人新年興去神社參拜之餘,都好鍾意去睇第一道曙光。 換句話說就係新一年的第一道日出! 我相信好多香港人就算係住喺香港都可能會到鳳凰山等等去睇第一道日出。 小編其實都幾鐘意,因為新的一年會有新的挑戰,大家可能有好多大計,好多計劃等住去實行,日出代表一日的新開始,而每年晨曦的第一道曙光,對小編來說才是真真正正的一年開始。 喺日本睇第一道曙光其實都唔易架,又要知日出時間,又要扺得冷,重點係要起到身。但以上三個難題你都解決到,咁就証明你都係一D幾堅毅不屈既人,唔容易放棄! 咁當然最後如果堅持的話,就會有個好靚的咸蛋黃作為獎勵。 如果要睇得特別,小編就推薦一個好多日本發燒友去的秘景俾大家,就係【大洗磯前神社 神磯の鳥居】。 點擊圖片放大 +2 個鳥居就係正海中間,不停被巨浪拍打。剛剛晨曦初露時,一層層白色的雲海漸漸被染成橙紅,等著等著,一個好靚的咸蛋黃慢慢咁升上嚟,大浪一邊不斷咁係到衝擊著鳥居,太陽緩緩咁升起,那種畫面的震憾激昂的感覺影相出嚟真係好靚。 大家其實都唔駛等到2021年先去,看日出什麼時候都可以的,但晨曦的第一道曙光就會多一點意義。 咁可以點去呢? 係大洗駅開車/的士約7分鐘,但建議係附近酒店住一晚 詳細資可以參考以下網址: http://oarai-isosakijinja.or.jp/ 新一年想去日本玩得特別一點,不妨搵我地幫手度身訂做一個獨一無二的日本旅程吧! 【あけましておめでとうございます】! 匠心の旅 Travel Plan Ahead