關西【TOURIST—LESS】之旅「 三」日本琉璃之城『 長浜』

關西【TOURIST—LESS】之旅「 三」日本琉璃之城『 長浜』

首先祝大家新年快樂! 希望大家鼠年百毒不侵 最重要喺身體健康!

見到好多客人同朋友仔都搶口罩,深明大家都感到恐慌! 有時見到街邊藥房賣一盒好幾百蚊又或賣假口罩俾人,有時真係反問大家都係香港人點解唔大家互相幫忙反而賺到盡….???

所以大家真係要小心D,因為太多不法商人為咗搵錢真係乜都做得出的,騙徒手法層出不窮。

講番轉頭,呢個時間大家可能都會好驚唔敢返大陸,去到日本人多地方又怕”中” 招。所以去日本關西之前不妨睇一下我介紹既”不樣的日本”。

位於滋賀県的長浜喺一個挺舒服的好地方,車站一出向西口就可以行到去琵琶湖﹐亦都會見到長浜城,大家可以先去東口四圍行行再回來西口湖邊坐坐,也是一個挺好行程建議。

東口一出就會見到好多古色古鄉的日本建築物、慢慢直行就會見到必去的黑璧カラス(GLASS)館,一行入去就會見到好多好精緻的琉璃產品,好似水杯/清酒杯…等等,睇到眼都花埋,大家可以上去二樓睇一下佢中古的裝飾琉璃擺設。有時間可以一早預約去試下整番隻玻璃杯添。

係附近都有好多各式各樣的店舖可以慢慢SHOP 下,飲下咖啡,再食一下地道嘢都可以慢慢玩大半日架!

補充一句: 如果大家喜歡吃親子丼的話,就不妨去[鳥喜多本店]一試。成日都大排長龍架!日本人排得就一定係好嘢啦!

點去呢?
大阪駅-> 長浜駅 (JR京都線新快速・長浜行)1小時35分鐘左右 1980YEN

我自己就行到唔捨得走,都係當地遊客同居民為主。因為每一間店舖都有其特色! 同小樽OTARU都有得FIGHT 下架!

匠心の旅 Travel Plan Ahead

This entry was posted in 外遊美食, 工作假期, 日本, 自駕遊, 藝術文化, 觀光, 購物 and tagged , , , , , , , , , , , , , , , , . Bookmark the permalink.