【日本廣島兔仔島Ⅱ】~建議玩個痛快留宿一晚!

【日本廣島兔仔島Ⅱ】~建議玩個痛快留宿一晚!

去到兔仔島,一落船就有一架酒店小型巴士等緊大家。基本上可以講係唯一一架車喺島上運行。巴士行得都幾慢下,其中一個主要原因係要好小心睇下前面有無兔仔,唔希望唔少心車到佢地。其實不需要5分鐘的巴士路程,如果大家又無乜行理可以自己係碼頭慢慢行過去酒店的。

如果未到CHECK IN 時間﹐可以先放低行理酒店會代為保管的。先到外面同一班可愛的兔仔係到玩下。

我自己就在概2點左右到達,步出酒店向右手面就可以望到大海。當然有好多好可愛的兔仔等大家。建議大家環島一周,大概需要1個半小時。但一邊行一邊停下來和兔仔影下相打下卡,建議可以預計2個半小時行完全島。

たたみの部屋:

大概5點前返到酒店CHECK IN,房間是TATAMI 傳統的房間。設施齊全。有一個小露台,一開窗就可以望到美麗的日落,好靚好醉人的日落。

朝夕食:

早晚餐是以BUFFET形式的,食物新鮮好吃。我想要佢隻兔仔碗呀!

温泉:

而溫泉就係以RADON氡氣溫泉。具有神經痛, 感冒同疲勞恢復等功效。所大家玩咗一日就必去浸呀。

食完晚飯都可以繼續出去酒店附近同小兔一齊玩。看見好多小朋友都玩得好開心。個個都唔肯返入酒店。

第二朝可以建議大家早點起床出去看日出,一出酒店向左行就可以看到日出美景。 食完早餐再和可愛的小野兔玩多一陣先在坐船走。當然可以去浸多一次溫泉啦!

交通:

係忠海駅慢步5分鐘就會到達忠海港! 每30分鐘左右就有一班船,船程大概10至15分鐘到!
大家就去和可愛的野生小兔仔慢活一日!
忠海港會有可能到達兔仔島的第1和第2碼頭,無論係邊個碼頭酒店都係有SHUTTLE BUS 接送架。不用預約所以不用擔心。

酒店詳細資料:
https://www.qkamura.or.jp/ohkuno/

我自己極力推薦大家住一晚。又有兔仔玩又可以欣賞日落日出,真係無敵!

有興趣可以CLICK 入去睇下兔仔有幾可愛!

想玩得更有特色,可以搵我地編個靚行程。

匠心の旅 Travel Plan Ahead

This entry was posted in 住宿, 其他, 外遊美食, 日本, 藝術文化, 觀光, 酒店 / 度假村, 陽光與海灘 and tagged , , , , , , , , , , , , , , , , , , , , , . Bookmark the permalink.

2 Responses to 【日本廣島兔仔島Ⅱ】~建議玩個痛快留宿一晚!
  1. chrisbobo78 says:

    嘩…真係好靚….我自己本身同女友都好鍾意兔仔….沒可能唔去囉!

    無論個VIEW 同RABBIT 都好可愛…救命..

    已經愛上你的POST 了…好有質素的文章!

    我地諗住一班朋友搵你計劃去日本呀….遲D PM…

    好正!!!

  2. Amazing views for sunset and sunrise! I will bring my kids to visit over there!

    Is it in Hiroshima Japan? Any direct flight from HK to there?

    Always love your post! a good quality post!

    Cheers,

    :)

Comments are closed.