【秋高氣爽】 ″小蜜蜂 嗡嗡嗡 飛到花叢中 ″

【秋高氣爽】 ″小蜜蜂 嗡嗡嗡 飛到花叢中 ″

無論香港或是日本早晚也開始轉涼了。久後的秋天終於來了!

如果送一樽日本はちみつ(蜂蜜)俾大家,大家又會點用呢?
我自己就好鍾意用嚟揸麵包又或者飲酒飲多咗第二朝起身會同柿醋一齊加嚟用作解酒之用。如果剛入秋,天氣開始轉涼,我自己也會習慣早上開點蜂蜜滋潤一下喉嚨,暖下個胃。

可能大家有所不知,其實日本當地都有自己國內生產的蜂蜜! 有D仲係季節性限量版添!!

介紹其中三款當地比較人氣的俾大家:

国産ぼだいじゅ蜂蜜 (菩提樹)
菩提樹果種獨特的清香,唔係到到都搵到。再加上嚴格挑選的蜂蜜。都係一個信心之選。

国産そば蜂蜜 (蕎麥)
與純花蜂蜜相比, 鐵質係高出” 50倍”! 無錯係50倍!!維化命同礦物質的含量也是相當高。蜜色偏深,味道比較強烈!所以有D人會好喜歡有D就未必啦!。不過我自己覺得由於鐵質比較高對女士們特別日子來說也有相對的幫助的。朝早飲一杯,其實也是不錯的選擇!

国産あかしあ蜂蜜
入門級之選! 味道/香味都已清香為主。特點係高度透明的蜂蜜帶點清爽的甜味, 係不一樣的水晶般清晰。 如果你係蜂初心者,呢個會係不二之選。

大家如果食慣咗其他國家的蜂蜜,但又想試下日本本土蜂蜜! 不妨買樽200g嚟試一下! (不過都係果句, 全部係限量版。買完就無,所以手快有手慢就無啦! 還有佢D 蜂蜜糖又幾好食喎!

詳細內容可以參考:

https://www.1183.co.jp/

 

 

This entry was posted in 其他, 外遊美食, 日本, 觀光 and tagged , , , , , , , , , , , , , , , , , , , , , , , . Bookmark the permalink.