『神秘顧客的一夜 』“ヤマハリゾート葛城北の丸”

『神秘顧客的一夜 』“ヤマハリゾート葛城北の丸”

之前受公司邀請做了一次神秘顧客,終於完成個評估報告,而家可以對外發表一下今次的所見所聞。我都係第一次做神秘顧客 以前對呢一行業都唔太熟行情,但機緣巧合之下,就做了一次角色扮演了。
旅館整體評分應該達4.9 OUT OF 5.0。無錯,近乎完美的一間酒店。

 

接待親切度: ****
由掛川到酒店,大概需要35MINS左右。每日有三班旅館巴士接送,一到達門口大門,感覺好似返咗去以前日本有錢人的豪宅一樣,氣勢逼人。因為今次其中一項任務就係要扮演一個大頭蝦的人物,唔記得預訂旅館巴士接送的情況下,當日突然打給旅館,看看能否作即時對應。對應真的不錯,安排了一個小型巴士特意接送我去到旅館,雖然有點不好意思,但體貼到無可否認已經暗地裡加分了。一入旅館已經有一個貼身的小跟班帶你去櫃檯CHECK IN。之後小跟班會一邊幫你囉住個行李 (其實個行李都幾重,因為我買咗幾支清酒) 、見佢一邊係樓梯到上上落茖,搬嚟搬去, 因為真係幾大下間旅館,一邊係到介紹有乜設施。(感覺唔好意思,因為我仲要扮唔識文,見佢手口並用咁努力解釋,見到佢都好辛苦。) 最後都行咗3分鐘先到我房間。

房間: *****
房間可分為四區桜殿(さくらどの)/藤殿(ふじどの)/萩殿(はぎどの)/葵殿(あおいどの),大家可以根據房間的名字﹐大概可以知道可以見到什麼特別的大自然景象。古色古鄉的日本設計,混合大自然於一身。房內設備一流,雪櫃的飲品可以任飲。枱面有我最愛的黑咖啡膠囊。一塊落地大玻璃窗,一打開玻璃就有一陣陣清幽香的花香飄入嚟。如果撞正紫藤花季節,一棵棵的紫藤花掛係房間外面時,可以想像那種和自然融會的美。好難係其他酒店找得到。坐係到靜靜咁飲杯咖啡﹐一邊望住個無敵大庭園,一天倦意盡消,感覺和諧舒服。

大庭園: *****
換對拖鞋就可以走出去大庭園到四圍走走,一睇就知庭園係有人悉心打理的。每棵植物修剪都係別出心裁的。庭園遠望自己都房間,感覺又另一種風味。剛碰巧日落,見到太陽慢慢咁由庭園後面咁落下,都係時候行返入房,享受一下豐富的晚餐。

 

晚餐: *****
晚餐係椿の間的新建餐廳內享用。我自己也挺喜歡他們的擺枱安排。基本上每個客人坐的位置都安排在充足光線之下。你可能會問有什麼好處? 好處就係當你影相時唔駛打燈…影出嚟D 食物相都特別靚, 唔駛左執右執,大家可以睇下D食物相就知我無講錯。食物水準方面我覺得已經能媲美米豬蓮水平。每當你食完一道菜,侍應才會捧上另一道,包保熱辣辣,食物賣相也不錯。加上環境寧靜舒服,慢慢品嚐美酒佳餚,爽爆。

早餐: ****
早餐就係BUFFET形式,食物都幾豐富,以洋式為主,最後來杯香濃的咖啡+ 幾塊手做COOKIE。一朝早的好開始。

溫泉: *****
我自己好鍾意個溫泉設計,尤其係我呢D深近視的人。一除咗眼鏡基本上都係模糊不清。所以佢個全自動門設計,我自己就覺得好貼身。一走到過就會自動開關唔駛左搵搵右搵搵個開門口位。露天風呂望著個園景,感覺特別治癒。浸到唔想上水呀。

交通: ****
自己開車就最方便,而火車遊的朋友都可以預約酒店的SHUTTLE BUS,一日三班由掛川駅出發,也挺方便。

結婚: ****
如果大家打算係日本結婚,都可以考慮係呢到擺番幾圍,穿上日本傳統和服,係美麗的庭園到影相,都係一個幾DREAM的WEDDING PARTY……呢…任務還要扮成相結婚的樣子….左問問右問問囉資料。

 

整體安排我都十分滿意,極力推薦呢間由古民家改建而成的葛城北の丸俾大家。

大家就一齊去感受一下【極上の日本】

祝大家中秋節快樂…!! 一家人團團圓圓….

匠心の旅 Travel Plan Ahead

This entry was posted in 住宿, 其他, 外遊美食, 日本, 自駕遊, 藝術文化, 觀光, 賞花, 酒店 / 度假村 and tagged , , , , , , , , , , , , , , , , , . Bookmark the permalink.

2 Responses to 『神秘顧客的一夜 』“ヤマハリゾート葛城北の丸”
  1. How an amazing hotel is …….after showed to my family, we all agree to go this hotel!…..So cool it is …

    How come you can also discover such stunning thing…..

    Please keep sharing your undiscovery place to us..

    Thanks so much!

Comments are closed.