香港-> 直航 ->日本小松機場(金沢)

香港-> 直航 ->日本小松機場(金沢)

今日CX首航到小松機場,所以有好多吉祥物係機場到歡迎我地! 又有特別既紀念品

(派金箔?? ..果然係出名金箔….隨手都可以派)…. 
鐘意去北陸(或睇完昇龍道旅遊介紹)的朋友,今日開始有個大喜訊俾大家!

由即日起(4月3日 至10月26日),每逢星期三同星期六都有一班來回香港同小松機場的航班,時間我覺得幾好,又唔駛咁早起身去機場,回程時間又唔會太晚!

點解值得坐呢?

1) 價錢
先唔講BUSINESS CLASS,普通的 ECONOMY CLASS 的機票價錢大概4700HKD 左右。以前大家可能要先去名古屋再坐新幹線又或開車去金澤市。香港去名古屋的機票價錢大概為3000HKD 至4000HKD左右。如果好一點的航班時間有時也要去到4200HKD左右。由名古屋坐新幹線到金澤也要大概600HKD。 (5DAYS JR 北陸 PASS也要成HKD1000) 。價錢其實都唔會差太遠,但如果集中係金澤/論島/富山/福井市到玩的話,所慳番的時間就會多好多了。

2) 時間
~飛行:
其實由香港飛去名古屋同小松空港都係差唔多。分別為4小時(名古屋)及4小時10分 (小松)
~火車/巴士:
由名古屋坐火車新幹線出發到金澤,大概需要3個小時左右(還未計回程),由小松坐巴士去金澤市都唔需要半小時就到。相差時間也可以玩多兩至三個景點,時間安排上會比較容易掌握。
一出機場,左轉到尾再出去1號巴士站前有一個 自動售票機用1130JPN(以包LOCAL BUS FARE)就會買到由小松機場到金沢西口駅的車票了! 每20分鐘一班巴士(係1 號巴士站到等便可以了)。

之後再行去東口到轉坐LOCAL BUS,如果去近江市場可以坐6-10號 吧士(6號巴士就最近第二個站就落車)

3) 航班
當然如果講航班,每日不同的航空公司都有航班去名古屋機場。而去小松機場的就只有星期三同星期六。但如果有星期六航班其實我都覺得安排不錯。打工仔請5日假就可以玩足8日,星期日仲可以休息一日星期一先返工,其實航班安排也算細心。
剛剛看過金澤櫻花的花見スポット2019 (係4月上旬至4月下旬唔同的地方都有機會看到櫻花) 。如果大家4月有假期 (EASTER HOLIDAY) 又唔怕多人,又未諗定去日本邊到好,可以考慮飛一轉日本小松機場(金澤) 去追追櫻,當然除咗睇櫻花外,北陸還有大把打卡景點等住大家。

想知道多一點旅遊推介,可以”FOLLOW” 同”LIKE”我地個FB PAGE!

如果想玩得特別,就不妨搵下我地幫手PLAN PLAN 行程! 就唔駛花時間左搵搵右搵搵!

匠心の旅 Travel Plan Ahead

This entry was posted in 工作假期, 日本, 自駕遊, 觀光, 賞花 and tagged , , , , , , , , , , , , , , , . Bookmark the permalink.